Šviejcarski źniščalnik supravadžaje śpiecbort z žurnalistami «kramloŭskaha puła». Fota: Andrej Kaleśnikaŭ.
Rasija nakiravała notu ŭ MZS Šviejcaryi ŭ suviazi sa zbližeńniem źniščalnikaŭ šviejcarskich VPS z rasijskim łajnieram, u jakim znachodzilisia ŭdzielniki rasijskaj delehacyi na samicie Azijacka-Cichaakijanskaha ekanamičnaha supracoŭnictva (ACES) i žurnalisty «kramloŭskaha puła». Pra heta paviedamlaje «Doždž» sa spasyłkaj na «Interfaks».
«My nakiravali notu, paprasili tłumačeńniaŭ i prasili vyklučyć heta ŭ budučyni», — paviedamiŭ pradstaŭnik ambasady Rasii ŭ Šviejcaryi.
Napiaredadni źniščalniki šviejcarskich VPS nablizilisia da rasijskaha samalota, jaki lacieŭ z Maskvy ŭ Pieru. Na borcie śpiecłajniera znachodzilisia ŭdzielniki rasijskaj delehacyi na samicie ACES i žurnalisty «kramloŭskaha puła».
Ahienctva «Interfaks» adznačaje, što paśla nabližeńnia šviejcarskich źniščalnikaŭ kamandzir ekipaža rastłumačyŭ pasažyram, što na dadzienym maršrucie «heta zvyčajnaja praktyka».
Źniščalniki šviejcarskich VPS niekatory čas supravadžali palot rasijskaha śpiecborta. Žurnalisty adznačyli, što samaloty znachodzilisia nastolki blizka, što možna było razhledzieć ich numary.
Paźniej Ił-96 pryziamliŭsia ŭ aeraporcie Lisabona dla dazapraŭki, i ŭ hety čas na borcie była znojdziena pałomka, vylet adtul zatrymali.
Anałahičny incydent u niebie nad Šviejcaryjaj adbyŭsia ŭ 2015 hodzie. Tady vajenny samalot nabliziŭsia da rasijskaha łajnieru, na borcie jakoha znachodzilisia členy delehacyi na čale sa śpikieram Dziarždumy Siarhiejem Naryškinym. MZS Rasii hetak ža nakiravaŭ Šviejcaryi notu pratestu i zaklikaŭ ułady krainy nie dapuskać padobnych vypadkaŭ.
Čytajcie taksama:
Šviejcaryja prakamientavała fakt supravadžeńnia źniščalnikami samalota z «kramloŭskim pułam»
