Asablivaści leksiki zachavanyja.
«Pačynajučy vydavać biełaruskuju hazietu «Naša Niva», chočam trochi pahavaryć z usimi, kamu ŭ toj čy inšy sposab zaležyć na našaj pracy, chočam adkryć svaje dumki, kab usie mahli nas paznać.
«Naša Niva» budzie druhoj biełaruskaj hazietoj — pieršaja hazieta «Naša Dola» nie žyvieć: jana była nadta niadoŭha, blisnuła, jak małanka, i zhinuła dzieści. Razumiejem my, jak važna ciapier biełaruskaja hazieta, razumiejem, jakuju vialikuju rabotu jana moža zrabić. I dziela taho my budziem staracca, kab naša hazietka zahlanuła ŭsiudy, kab papała jana i pad strachu biednaj kurnoj chaty mužyka-biełarusa. Nie dumajcie, što my chočam słužyć tolki ci panam, ci adnym mužykam. Nie, nikoli nie! My budziem słužyć usiamu biełaruskamu skryŭdžanamu narodu, pastarajemsia być lustram žyćcia, kab ad nas, jak ad lustra, śviet padaŭ u ciomnaść… My budziem brać usio ad usich i, złažyŭšy ŭ paradak, znoŭ addavać. Viedajcie dobra, što «Naša Niva» hazieta nie redakcyi, ale ŭsich biełarusaŭ i ŭsich tych, chto im spahadaje. Kožny maje prava być vysłuchanym na stranicach našaj haziety i kiravać joju, tolki kab było razumnie. My z svajoj starany budziem staracca, kab usie biełarusy, što nie viedajuć, chto jany jość, — zrazumieli, čto jany biełarusy i ludzi, kab paznali svajo prava i pamahli nam u našaj rabocie.
Nie budziem pisać hromka. Budziem spakojnie, ćviorda kidać usim praŭdu ŭ vočy, pastarajemsia być cierpialivymi i panavać nad saboju: niachaj chałodny rozum mocna trymaje ŭ svaich rukach haračaje serca.
A ciapier pryzyvajem usich tych, chto razumieje našy celi, adčuvaje toje, što my čujem, i zachočea nam pamahčy:
Padtrymajcie nas u rabocie, što ciapier pačynajecca!»
«Naša Niva» vychodziła ŭ 1906—1915 hadach, pakul niemcy nie zaniali Vilniu, dzie hazieta vychodziła.
U kastryčniku 1920 hoda hazietu adnavili, adnak užo praź niekalki miesiacaŭ jana była zabaroniena polskaj vajskovaj cenzuraj.
Nastupnaja sproba adnavić «Našu Nivu» adbyłasia tolki ŭ 1991 hodzie. Spačatku heta było litaraturna-fiłasofskaje vydańnie.
Z taho času hazieta vychodzić užo 25 hadoŭ. Z pačatku 2000-ch jana pastupova viarnułasia ŭ svoj kolišni, pačatkovy varyjant masavaha, ahulnahramadskaha vydańnia.
Kali ŭ 2006—2008 niezaležnuju presu sprabavali zadušyć, NN vykarystała prablemu jak šaniec i rvanuła ŭ internet. Ad 2011 hoda «Naša Niva» stała samym papularnym sajtam na biełaruskaj movie ŭ internecie i ŭpeŭniena trymaje hetuju pazicyju dasiońnia.
NN vyłučajecca vysokim uzroŭniem materyjałaŭ. Usie apošnija hady mienavita artykuły NN brali pieršyja premii ŭ nacyjanalnym žurnalisckim konkursie «Volnaje słova» jak u katehoryi «Rasśledavańnie», tak i ŭ katehoryi «Litaraturna-mastackija žanry».
Ad lipienia 2016 hoda papiarovaja «NN» viarnułasia da farmatu miesiačnika.
Listapadaŭski numar NN z rasśledavańniem pra dziejnaść zachodnierusistaŭ.
A voś apošniaja statystyka prahladaŭ NN on-line (Google Analytics):
Žnivień 2016: 7,006,700
Vierasień 2016: 6,670,410
Kastryčnik 2016: 6,574,399
Jak bačycie, na našym sajcie stabilna čytajuć bolš za 6 młn artykułaŭ za miesiac. Prykładna 49% ich robiacca z mabilnych pryład — M.NN.BY vyklučna kamfortny, karystajciesia im. Što cikava, statystyka Audience.by pakazvaje, što NN stabilna trymajecca na pieršym miescy pa kolkaści prahladaŭ na adnaho karystalnika i pa časie jaho znachodžańnia na sajcie. My majem viernuju aŭdytoryju.
Što my viedajem pra svajho čytača? U internecie daviedacca partret čytača davoli lohka.
85% našych čytačoŭ žyvuć u Biełarusi, 40% prypadaje na Minsk, stalicu. 90% našych čytačoŭ — ludzi z vyšejšaj adukacyjaj abo studenty i staršyja školniki. Nas čytajuć ludzi samych roznych słajoŭ, ale jadro aŭdytoryi składajuć ludzi z dachodami vyšejšymi za siarednija. Pa ŭzroście asnoŭnaja hrupa — 25—45 hadoŭ. Jašče cikava, što amal 65% aŭdytoryi składajuć mužčyny.
Choć NN pakul nie rabiła staŭki na zavajovu sacyjalnych sietak, bo, kab zarablać z rekłamy, nam važna, kab ludzi prychodzili na sajt. Adnak ža i ŭ sacsietkach my majem šmat prychilnikaŭ. Čytać NN možna:
U fejsbuku — majem tam na siońnia 10,017 padpisčykaŭ,
Ukantakcie — majem tam na siońnia 14,194 padpisčykaŭ,
U Tvitary — majem tam na siońnia 5,357 padpisčykaŭ,
U Telehramie — majem tam na siońnia 200 padpisčykaŭ,
A hladzieć, na kanale NN YouTube — majem tam na siońnia 8,113 padpisčykaŭ,
«Naša Niva» zaŭždy była vydańniem hramadskim i nikoli — dziaržaŭnym, nikoli nie traplała pad kantrol aŭtarytarnaj ci tatalitarnaj ułady.
Va ŭsie pieryjady isnavańnia haziety jana była hazietaj nacyjanalnaha intaresu.
«Naša Niva» — heta i kulturny simvał, i žyvaja tradycyja. I paŭnavarty sučasny internet-partał. Jana i siońnia, jak i sto hadoŭ tamu, — hołas niezaležnaha hramadstva.
Nieabchodnaj krynicaj srodkaŭ dla raźvićcia zastajucca hrošy, pieraličanyja čytačami. Heta ciapier vyklučna prosta zrabić — praz ARIP. Prosim kožnaha — rabicie heta choć raz na miesiac.
Pra hazietu «Naša Niva»
