U Lvovie adbyŭsia pažar u zabaŭlalnym centry «MI100», u vyniku čaho paciarpieli 22 čałavieki. Ab hetym paviedamlajecca na sajcie hałoŭnaha ŭpraŭleńnia DSNS Ukrainy ŭ Lvoŭskaj vobłaści.
lviv.dsns.gov.ua
Ratavalniki, jakija prybyli na miesca zdareńnia, vyjavili ŭzharańnie na płoščy 50 kv. m. Było pryniataje rašeńnie ab nieadkładnaj evakuacyi naviedvalnikaŭ zabaŭlalnaha centra. Ahułam pažarnyja evakujavali 250 čałaviek.
Pažarnyja dadali, što składanaść zaklučałasia ŭ ščylnaj zadymlenaści pamiaškańnia. Panika siarod naviedvalnikaŭ značna ŭskładniła praces evakuacyi.
U vyniku pažaru ŭ lačebnyja ŭstanovy źviarnulisia 22 čałavieki, ź ich dvoje znachodziacca ŭ reanimacyi ŭ ciažkim stanie.
Pryčyna ŭźniknieńnia pažaru vyśviatlajecca.
0
0
0
0
0
0
