U Biełarusi vykanany jašče adzin śmiarotny prysud: rasstralany Siarhiej Chmialeŭski
Svajaki Siarhieja Chmialeŭskaha 29 listapada paviedamili kaardynataru kampanii «Pravaabaroncy suprać śmiarotnaha pakarańnia ŭ Biełarusi» Andreju Pałudzie, što prysud śmiarotnaha pakarańnia vykanany, piša spring96.org.
«Bolš za miesiac ad Siarhieja Chmialeŭskaha nie było listoŭ da svajakoŭ. Adnak, na tym tydni svajaki adnosili hrošy dla jaho i ich u SIZA uziali. Siońnia ž jany pajšli ź im na spatkańnie, dzie im skazali, što prysud pryviedzieny ŭ vykanańnie.
Akramia taho, užo miesiac niama listoŭ i ad inšaha asudžanaha - Hienadzia Jakavickaha. Pakul u nas niama nijakaj infarmacyi pra jaho los», - raspavioŭ pravaabronca.
Minski abłasny sud vynies śmiarotny prysud 31-hadovamu žycharu pasiołka Mačuliščy Minskaha rajona Siarhieju Chmialeŭskamu za žorstkaje zabojstva dvuch i bolš asobaŭ. Hety ciažki prysud byŭ vyniesieny paśla pierahladu jahonaj kryminalnaj spravy, pa jakoj raniej Chmialeŭski byŭ asudžany da pažyćciovaha źniavoleńnia.
Nahadajem, što ŭčora stała viadoma pra vykanańnie śmiarotnaha prysudu ŭ dačynieńni da Ivana Kulaša.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary