 |
Heta sumiesnaja vystava, jakuju ładziać varšaŭski Karaleŭski zamak, Karaleŭski zamak na krakaŭskim Vaveli j Vilenskaja katedra — uładalnik kalekcyi. Hanarovy patranat nad vystavaj achapiŭ maršałak polskaha parlamentu Branisłaŭ Kamaroŭski.
Vystavačnyja ekspanaty ź sierabra j zołata, azdoblenyja šlachetnymi kamianiami, nosiać pieravažna sakralny charaktar. Jany źjaŭlajucca histaryčnymi elementami niebyvała bahataha zboru najvažniejšaj chryścijanskaj śviatyni Vialikaha Kniastva Litoŭskaha. Hety zbor nieadnojčy pryroŭnivaŭsia da skarbaŭ Vavela ci Jasnaj Hary.
Napiaredadni vajny, u vieraśni 1939 hodu, kaštoŭnaści, jakija naličvali kala 270 pradmietaŭ, byli zamuravanyja ŭ katedralnych padziamiellach. U 1985 hodzie śviatary znajšli kład. Ale, pabajaŭšysia kamunistaŭ i mahčymaści vyviazieńnia skarbaŭ ź Vilni, kaštoŭnaści byli iznoŭ schavanyja.Tolki paśla taho, jak Litva atrymała niezaležnaść, kaštoŭnaści byli vystaŭlenyja na publičny pakaz.
U Varšavie vystava pradoŭžycca da 28 vieraśnia, paśla pajedzie ŭ Krakaŭ.
