Partyja BNF vykazvaje hłybokaje spačuvańnie ŭsim paciarpiełym u vyniku vybuchu ŭ Miensku ŭ noč na 4 lipienia, a taksama ŭdziačnaść supracoŭnikam milicyi i medykam, jakija rabili što mahli, kab dapamahčy paranienym.
My rašuča asudžajem złačynstva, skiravanaje suprać mirnych bieskłapotnych ludziej. Nia viedajem, chto jaho zrabiŭ i ź jakimi metami, ale pierakananyja: tolki niechta biaskonca daloki ad pryncypaŭ čałaviečnaści, chryścijanskich kaštoŭnaściaŭ, lubovi da biełaruskaha narodu i svajoj krainy moh zaplanavać i ŭčynić takoje dzikunstva.
Takoha rodu złačynstvy dahetul nie byli charakternyja dla Biełarusi. My nastojliva raim uładzie nadalej lepiej dbać pra biaśpieku ludziej, jakich sama ž jana i źbiraje. I papiaredžvajem, što z boku ŭłady było b vialikaj pamyłkaj pasprabavać skarystać hetuju vartuju biezumoŭnaha asudžeńnia padzieju ŭ metach dalejšaha abmiežavańnia svabody j demakratyi dy baraćby z palityčnymi apanentami.