Na sajcie Biełteleradyjokampanii źjaviłasia infarmacyja, što dyrektaram telekanała «Biełaruś-24» ciapier źjaŭlajecca Alaksandr Martynienka. U kampanii paćvierdzili, što jon atrymaŭ novuju pasadu ŭ kancy listapada.
Łancužok pierturbacyj na BT akazaŭsia doŭhim. Papiarednica Martynienki Alena Ładućka ŭznačaliła «Biełaruś-1». Adtul, u svaju čarhu, pieraviali na novuju pasadu Hleba Šulmana, jaki staŭ hienieralnym pradziusaram Biełteleradyjokampanii.
Admietna, što Alaksandr Martynienka dahetul paznačany na sajcie «Savieckaj Biełarusii» jak namieśnik hałoŭnaha redaktara, pryčym zajmaŭ jon hetuju pasadu mienš za paŭhoda. Ciapier ža ŭ «Savieckaj Biełarusi» paviedamili, što Martynienka ŭ ich bolš nie pracuje, a tolki viadzie aŭtarskuju pieradaču na «Alfa-Radyjo».
* * *
Alaksandr Martynienka naradziŭsia ŭ 1971 hodzie ŭ Kaściukovičach Mahiloŭskaj vobłaści. Skončyŭ fakultet žurnalistyki BDU. U studenctvie pracavaŭ u efiry radyjostancyi «Biełaruskaja maładziožnaja». Na telebačańnie pryjšoŭ na pasadu namieśnika hałoŭnaha redaktara Ahienctva telenavinaŭ Biełteleradyjokampanii, zatym kiravaŭ im. Apošniaja pasada ŭ składzie miedyjachołdynhu — namieśnik staršyni Biełteleradyjokampanii. U kancy 2011 hoda ŭkazam prezidenta byŭ zvolnieny z hetaj pasady «ŭ suviazi ź pierachodam na inšuju pracu». Paśla pracavaŭ pres-sakratarom «Biełahraprambanka».
Martynienka — druhi muž byłoj pamočnicy prezidenta Biełarusi Natalli Piatkievič. Čutki paviedamlali pra ich razvod, adnak infarmacyja tak i nie była aficyjna paćvierdžanaja.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu1
Kamientary