Mižnarodnaja fiederacyja futboła (FIFA) siońnia nazvała troch pretendentaŭ na zvańnie najlepšaha futbalista śvietu 2016 hoda, paviedamlajuć infarmahienctvy.
U liku mahčymych łaŭreataŭ forvardy troch samych słavutych kłubaŭ Ispanii: najlepšy hulec i bambardzir Jeŭra-2016 francuz Antuan Hryzman z madrydskaha «Atletyka», kapitan čempijonaŭ kantynienta partuhalec Kryšcijanu Ranałdu z madrydskaha «Reała» i lidar «Barsiełony» i zbornaj Arhienciny Lijanel Miesi.
Lijanel Miesi pryznavaŭsia najlepšym hulcom płaniety pavodle viersii FIFA čatyry razy (2010-2012, 2015), Kryšcijanu Ranałdu zavajavaŭ hetaje zvańnie dva razy (2013, 2014).
Uznaharoda łaŭreatu futbolnaha hoda budzie ŭručanaja na ŭračystaj cyrymonii ŭ Ciurychu 9 studzienia 2017 hoda.
0
0
0
0
0
0
