Ministerstva abarony ZŠA paviedamiła Kanhresu pra budučy prodaž Polščy 70 avijacyjnych kryłatych rakiet pavialičanaj dalokaści AGM-158B JASSM-ER (Extended Range), śviedčyć aficyjny sajt dsca.mil.
Košt pastaŭki aceńvajecca ŭ $200 młn. Razam z bajavymi rakietami Varšava atrymaje niekalki vučebnych rakiet, vučebnyja sistemy naviadzieńnia i trenažory.
Rakiety mohuć vykarystoŭvacca źniščalnikami F-16C/D VPS Polščy. Takim čynam polskaja avijacyja ŭ vypadku vajny moža nanosić udary pa rasijskim vojskam u Kalininhradzie biez zachodu ŭ zonu dziejańnia rasijskich supraćpavietranych kompleksaŭ S-300 i S-400.
U 2014 hodzie Polšča ŭžo zaklučyła damovu pra pakupku 40 kryłatych rakiet «pavietra-ziamla» AGM-158 JASSM standartnaha radyusa dziejańnia.
Vysokadakładnyja i małazaŭvažnyja rakiety AGM-158 JASSM majuć dalokaść da 400 km, ahulnaja vaha kožnaj — bolš za tonu, vaha bojehałoŭki — 450 kiłahramaŭ.
Źniščalnik F/A-18 Hornet aŭstralijskich pavietranych sił vystrelvaje rakietu AGM-158.
Vytvorca rakiet — amierykanski aerakaśmičny hihant, karparacyja Lockheed Martin.
