Fota z fejsbuka Śviatłany Sacharavaj
Viciebski rajonny adździeł Śledčaha kamiteta pravodzić pravierku pa fakcie vyjaŭleńnia cieł troch čałaviek na miescy pažaru, paviedamiła ŭ svaim fejsbuku pradstaŭnik Śledčaha kamiteta pa Viciebskaj vobłaści Śviatłana Sacharava.
Fota z fejsbuka Śviatłany Sacharavaj
Ustanoŭlena, što ranicaj 3 śniežnia adbyłosia ŭzharańnie biarvienčataha dačnaha doma ŭ vioscy Kukaviačyna Viciebskaha rajona. U vyniku pažaru ahniom źniščany dach, stolevyja pierakryćci, častkova abhareli ścieny. U 6 hadzin pry łakalizacyi pažaru byli znojdzieny 3 trupy: 19-hadovaha syna haspadyni doma, žychara Viciebska, 18-hadovaj dziaŭčyny, studentki 2-ha kursa kaledža ŭ Viciebskim rajonie, a taksama jašče adnaho 19-hadovaha chłopca ź Viciebska.
Na miescy zdareńnia pracujuć śledčyja. Z dapamohaj pierasoŭnaj kryminalistyčnaj łabaratoryi pravodzicca ahlad miesca zdareńnia, pryznačanyja sudova-miedycynskija ekśpiertyzy, ustanaŭlivajucca pryčyny.
