Italija siońnia hałasuje na refierendumie. Małady premjer-ministr krainy, 41-hadovy Matea Rency, choča refarmavać palityčnuju sistemu, źmienšyŭšy rolu vierchniaj pałaty parłamienta i pravy rehijonaŭ.
Hałoŭnaja meta reformy — zrabić palityčnuju sistemu bolš stabilnaj, a vykanaŭčuju ŭładu — mienš zaležnaj ad drobnych palityčnych partyj. Asablivaściu Italii ŭsie apošnija 70 hadoŭ była častaja źmiena ŭradaŭ i karumpavanaść palitykaŭ.
Rency zajaŭlaŭ, što sydzie ŭ adstaŭku, kali prajhraje na refierendumie.
Usie apazicyjnyja partyi zaklikali hałasavać «suprać».
Rasijskija ŚMI asabliva prychilna pišuć pra papulisckuju, niadaŭna stvoranuju partyju «Piać zorak» na čale z televiadoŭcam-komikam Bepe Hryła. «Piać zorak» abiacajuć u vypadku svajho prychodu da ŭłady pravieści plebiscyt ab vychadzie Italii z zony jeŭra, što moža pryvieści da dezintehracyi Jeŭrasajuza i jaho padziełu na paŭdniovy i paŭnočny błoki dziaržaŭ.
Rency trymajecca aściarožnaj linii ŭ zamiežnaj palitycy. Na słovach jon prychilnik miakkaj linii adnosna Rasii, ale ŭ realnaści addaje Bierlinu i Anhiele Mierkiel prava vyrašać asnoŭnyja kirunki hetaj palityki. Tamu ES zachoŭvaje sankcyi suprać Rasii, uviedzienyja ŭ adkaz na zachop Rasijaj Kryma i Danbasa.
Sacyjołahi prahnazujuć parazu Rency i pieramohu praciŭnikaŭ reformy. Jak pišuć italjanskija ŚMI, suprać budzie hałasavać moładź i žychary poŭdnia krainy.
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam32
Kamientary