Azierbajdžanskija śpiecsłužby likvidavali terarysta, jaki sprabavaŭ padarvać pojas śmiarotnika kala adnaho z handlovych centraŭ Baku. Pra heta paviedamlaje TASS sa spasyłkaj na adździeł pa hramadskich suviaziach Słužby dziaržaŭnaj biaśpieki Azierbajdžana.
Jak udakładnili ŭ viedamstvie, siłaviki kala handlovaha centra «Bina» pravodzili apieracyju pa zatrymańni Emina Džami, jaki akazaŭ supraciŭ i pasprabavaŭ pryvieści ŭ dziejańnie vybuchovuju pryładu.
«Zachadami ŭ adkaz jon byŭ źniščany śpiecyjalnaj apieratyŭnaj hrupaj», — havorycca ŭ paviedamleńni.
Słužba dziaržbiaśpieki nahadvaje, što 38-hadovy hramadzianin Azierbajdžana Emin Džami ŭ 2007 hodzie byŭ asudžany za ŭdzieł u terarystyčnaj arhanizacyi Naifa al-Badavi, u jakoj dziejničaŭ pad psieŭdanimam Abu Džafar. U pačatku 2016 hoda Džam vyzvaliŭsia z-za krataŭ i znoŭ naładziŭ suviazi z bajevikami, jaho padazravali ŭ padrychtoŭcy teraktaŭ na terytoryi Azierbajdžana.
