Baraćba za hałasy vybarščykaŭ idzie pamiž dvuma kandydatami — byłym lidaram partyi «Zialonyja» Alaksanderam Van der Bielenam i kandydatam ad pravaj Aŭstryjskaj partyi svabody (APS) Norbiertam Chofieram, paviedamlajuć infarmahienctvy.
Prahałasavać mohuć kala 6,4 młn čałaviek. U krainie pracujuć kala 10 tysiač vybarčych učastkaŭ.
Papiarednija vybary prajšli ŭ mai, u ich pieramohu atrymaŭ Van der Bielen, jaki apiaredziŭ svajho supiernika mienš čym na 1% hałasoŭ. Chofier paśpiachova asprečyŭ vyniki ŭ Kanstytucyjnym sudzie krainy. Ciapier, jak śviedčać danyja sacyjałahičnych apytańniaŭ, abodva kandydaty majuć amal adnolkavyja šancy na pieramohu. Vybary znoŭ mohuć skončycca ź minimalnym razryvam, tamu pretendentaŭ mohuć rassudzić ŭsiaho niekalki dziasiatych pracenta.
Kamientary