Uradženiec Łatyhali praspansaravaŭ ustanoŭku infarmacyjnaha stenda ŭ rodnaj vioscy

26 listapada la łatyhalskaj carkvy na Vilejščynie ŭstalavali infarmacyjny stend.
Mierapryjemstva zładzili siabry tavarystva «Achova pomnikaŭ Biełarusi» imia Alaksieja Łužynskaha i kiraŭnik tavarystva Dzianis Kaniecki. Inicyjatyvu padtrymaŭ krajaznaŭca, piśmieńnik i historyk Alaksandr Płavinski, jaki sam pachodzić z Łatyhali. Jon staŭ sponsaram prajekta, a taksama napisaŭ tekst dla stenda.

Na praciahu niekalkich hadoŭ siabry tavarystva ładziać padobnyja prajekty. Ustalavańnie infarmacyjnaha stenda la łatyhalskaj carkvy — užo 11 pa liku prajekt na Vilejščynie.
Niahledziačy na drennaje listapadaŭskaje nadvorje na mierapryjemstva pryjšło šmat ludziej. Akramia miascovych žycharoŭ pryjechali nieabyjakavyja da historyi ludzi ź Minska, Maładziečna, susiedniaj Viazyni. Byli taksama hości z Ukrainy.

— Ja vielmi ŭdziačny ŭsim, chto prymaŭ udzieł va ŭstalavańni stenda i spadziajusia na toje, što rabota pa zachavańni histaryčnaj spadčyny našaj małoj radzimy, Vilejščyny, budzie praciahvacca, — raskazaŭ Alaksandr Płavinski.
Kamientary