Pietrapaŭłaŭski haradski sud Paŭnočna-Kazachstanskaj vobłaści prysudziŭ da piaci hadoŭ i šaści miesiacaŭ kałonii žychara rajonnaj vioski Ihara Čuprynu za dopisy, jakija, pavodle śledstva, raspalvali mižnacyjanalnuju varožaść i ŭtrymlivali zakliki dałučycca da Rasii.
Pra heta paviedamlaje Sputnik Kazachstan.
Čuprynu pryznali vinavatym pa dvuch artykułach: «Naŭmysnyja dziejańni, nakiravanyja na raspalvańnie nacyjanalnaj varožaści, u abodvuch vypadkach učynienyja z vykarystańniem infarmacyjna-kamunikacyjnych sietak» i «Prapahanda parušeńnia ŭnitarnaści i cełasnaści Respubliki Kazachstan».
Zapisy, za jakija jaho asudzili, publikavalisia na staroncy karystalnika ź nikam Ihar Čupryna ŭ sacsietcy Ukantakcie z 1 vieraśnia 2014 hoda pa 20 maja 2015 hoda. Sud pryznaŭ, što dopisy i kamientary, jakija Čupryna pakidaŭ «Ukantakcie», śviedčyli ab niehatyŭnym staŭleńni da pradstaŭnikoŭ kazachskaj nacyjanalnaści.
U pres-słužbie suda rastłumačyli, što ŭ dačynieńni da karystalnikaŭ, jakija raźmiaščali niehatyŭnyja kamientary na staroncy Čupryny, viadziecca dasudovaje rasśledavańnie.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary