Abrany prezidentam ZŠA Donald Tramp paabiacaŭ nie zajmacca razbureńniem zamiežnych režymaŭ, adnak zmahacca ź isłamskim teraryzmam i zachoŭvać adnosiny z sajuźnikami, śviedčyć zapis ź mierapryjemstva ŭ Paŭnočnaj Karalinie.
Tramp adnačasova paabiacaŭ pavialičyć kolkaść amierykanskich uzbrojenych sił i admianić abmiežavańni na finansavańnie armii, jakija nakłaŭ prezident Barak Abama.
«My nie chočam mieć skaročanyja ŭzbrojenyja siły… My chočam uzmacnić staroje siabroŭstva i šukać novych siabroŭ», — skazaŭ budučy prezident.
Mecis i Tramp. Fota cdn.newsmax.com
«My razbudujem našy ŭzbrojenyja siły nie dla ahresii, a dla papiaredžańnia ahresii. My šukajem miru šlacham siły», — zajaviŭ Tramp padčas vystupu ŭ štacie Paŭnočnaja Karalina, niedaloka ad bujnoj vajskovaj bazy Fort Breh.
Hienierał «Šalony sabaka» Džejms Mecis vystupiŭ na mitynhu prychilnikaŭ Trampa z karotkaj pramovaj. Tramp paklikaŭ Mecisa być ministram abarony ŭ svajoj administracyi, adnak jamu budzie patrebny dazvoł Kanhresa i Sienata ZŠA, bo hienierał adnosna niadaŭna pakinuŭ słužbu ŭ marskoj piachocie.
