Biełaruś ažyćciaviła apieradžalny avansavy płaciož za pastaŭku rasijskaha hazu. Pra heta paviedamiŭ pres-sakratar premjer-ministra Uładzisłaŭ Syčevič, piša BiełTA.
«U kastryčniku 2016 hoda na ŭzroŭni ŭradaŭ Biełarusi i Rasii dasiahnutyja pryncypovyja damoŭlenaści i vyznačanyja kankretnyja miechanizmy pa vyrašeńni prablemnych pytańniaŭ u naftahazavaj śfiery. Adnak ich realizacyja zaciahnułasia, — adznačyŭ Syčevič. — Biełaruś zacikaŭlenaja ŭ jak maha bolš chutkim vyrašeńni situacyi, u suviazi z čym u jakaści pieršaha kroku i žestu dobraj voli ažyćciaviła apieradžalny avansavy płaciož za pryrodny haz».
Pres-sakratar dadaŭ: «Biełaruś raźličvaje na zvarotnuju dobruju volu rasijskaha boku ŭ vyhladzie chutčejšaha adnaŭleńnia abjomaŭ pastavak nafty ŭ Biełaruś, vyznačanych dziejnymi mižuradavymi pahadnieńniami».
«Adnačasova Biełaruś spadziajecca, što rasijskija partniory pačnuć praktyčnuju realizacyju pryncypovych kastryčnickich damoŭlenaściej, uklučajučy pytańni ŭmoŭ pastaŭki ŭ Biełaruś pryrodnaha hazu», — padkreśliŭ Syčevič.
Kamientary