Top-10 prajektaŭ, na jakija biełarusy sabrali bolš za ŭsio hrošaj
Biełarusy pastupova adkryvajuć dla siabie mahčymaści kraŭdfandynhu. Sioleta «Naša Niva» nazvała čałaviekam hoda Kaciarynu Siniuk, što stvaryła časopis «Imiony», mnohija hieroi jakoha dziakujučy kraŭdfandynhu atrymali finansavuju padtrymku nieabyjakavych čytačoŭ.
Adnak ludzi hatovyja padtrymlivać nie tolki sacyjalnyja prajekty, ale i pradprymalnickija, tvorčyja inicyjatyvy. Paśpiachova źbirajuć hrošy i na vydańnie knih ci dyskaŭ, źjaŭleńnie novych hulniaŭ, palapšeńnie infrastruktury horada i mnohija inšyja rečy. Ciapier u našaj krainie pracujuć dźvie kraŭd-płatformy: Talaka.by i Ulej.by.
«Kraŭdfandynh aktyŭna raźvivajecca, što ni miesiac, my majem novyja rekordy pa sumie zboru i kolkaści ŭciahnutych ludziej. Nie adstaje i kraŭdsorsinh — uciahvańnie ludziej u kamandu i atrymańnie paradaŭ ekśpiertaŭ, — kamientuje kiraŭnik i zasnavalnik Talaka.by Jaŭhien Kliševič. — Kraŭd-technałohii — heta novy farmat stvareńnia i ažyćciaŭleńnia svaich płanaŭ i maraŭ. Pamienieła manapolii ŭ inviestaraŭ, vydaŭcoŭ, dziaržavy i karparacyj na stvareńnie vydatnych rečaŭ. Zacikaŭlenaja supolnaść moža hałasavać svaim rublom i spravami za toje, što im sapraŭdy patrebna i cikava».
Top-5 prajektaŭ hoda na Talaka.by
- Muzyka — «Partmane» trya — sabrana 10 140 rub.
- Knihi — Vydańnie «Chronik Narnii» pa-biełarusku — sabrana 9 485 rub.
- Horad i infrastruktura — Stvareńnie parku minijaciur VKŁ — sabrana 8 590 rub.
- Filmy i multy — Pierakład multfilmaŭ «Śvinka Pepa» na biełaruskuju — sabrana 5 570 rub.
- Sport — Zbor hrošaj na pajezdku Vitala Hurkova na čempijanat u Šviecyju — sabrana 4 535 rub.
Top-5 prajektaŭ hoda na Ulej.by
- Knihi — «Aściarožna, Marcaŭ!» — 18 032 rub.
- Fiestyvali — Praviadzieńnie štohadovaha Fiestyvalu biełaruskamoŭnaj rekłamy aDNaK! — 13 749 rub.
- Inicyjatyva — Zbor hrošaj na ŭdzieł Vadzika Rakiety ŭ paŭfinale anhlijskaha šou «Brytanija šukaje talenty» — 12 145 rub.
- Sacyjalny prajekt — Abstalavańnie kabinieta ŁFK u dziciačym chośpisie — 10 371 rub.
- Muzyka — Zapis druhoha alboma art-rok hurta TonqiXod — 5 335 rub.
Kamientary