Kirujučaja partyja Zimbabve vyrašyła vyłučyć dziejnaha kiraŭnika dziaržavy 92-hadovaha Robierta Muhabe na novy prezidencki termin, piša VVS.
Pra heta zajaviŭ vykanaŭčy sakratar «Zimbabvijskaha afrykanskaha nacyjanalnaha sajuza» Ihnacij Čombe. Pa jaho słovach, aficyjnaje vyłučeńnie adbudziecca na hetym tydni na štohadovaj partyjnaj kanfierencyi.
Čombe acharaktaryzavaŭ praŭleńnie Muhabe jak prykład «mudraści i adzinstva».
Muhabe niaźmienna kiruje krainaj z 1980 hoda (spačatku na pasadzie premjera, a z 1987 hoda — prezidenta).
Apošni raz jon paćvierdziŭ svoj prezidencki status na vybarach u 2013 hodzie, niahledziačy na zajavy ab parušeńniach, dapuščanych u chodzie hałasavańnia.
Raniej Muhabe zajaŭlaŭ, što hatovy pravić, pakul nie pamre. Pry hetym jon padkreśliŭ, što hatovy vyjści na piensiju, kali takaja budzie vola jaho partyi.
U adras Muhabe hučać abvinavačańni ŭ dyktatury i pryhniocie apazicyi, jakija jon admaŭlaje.
Zimbabve, jakaja da 1980 hoda ŭvachodziła ŭ lik samych raźvitych krain Afryki, ciapier naležyć da najbiadniejšych dziaržaŭ śvietu i znachodzicca ŭ ciažkaj ekanamičnaj situacyi. Aproč vielizarnaha deficytu biudžetu, kraina sutyknułasia z hipierinflacyjaj nacyjanalnaj valuty, zimbabvijskaha dalara.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary