Handlovyja abjekty stalicy pierajšli na pieradśviatočny režym handlu — biez vychadnych.
Tak, na Kamaroŭskim rynku tradycyjnyja vychadnyja pa paniadziełkach na čas śviataŭ admianiajucca — hety najstarejšy ŭ horadzie handlovy kompleks budzie pracavać taksama 19, 26 śniežnia i 2 studzienia, paviedamiła pres-słužba hałoŭnaha ŭpraŭleńnia spažyvieckaha rynku (HUSR) Minharvykankama. Vychadny na rynku abvieščany ŭ navahodniuju niadzielu, 1 studzienia.
Kurasoŭščynski rynak, jaki pracuje z 8.00 da 18.00 taksama z vychodnymi pa paniadziełkach, budzie pracavać i 26 śniežnia.
Handlovy centr «Kupałaŭski», jaki pracuje z 11.00 da 19.00 z vychodnymi pa niadzielach, 25 śniežnia taksama budzie pracavać.
HUPR nahadvaje, što z 15 śniežnia pa 15 studzienia pracuje kaladny kirmaš — kala Pałaca sportu na praśpiekcie Pieramožcaŭ i na Kastryčnickaj płoščy.
«U kirmašovych draŭlanych chatkach arhanizavany prodaž haračych blinoŭ z roznymi načynkami, duchmianaha hlintviejnu, sakavitaha šašłyku, haračaj vypiečki, dranikaŭ, kandytarskich vyrabaŭ, straŭ biełaruskaj kuchni. Taksama na placoŭcy možna nabyć padarunki, suvieniry ź simvolikaj novaha hoda, śviatočnuju atrybutyku», — adznačyła pres-słužba.
Na placoŭcy kala Pałaca sportu taksama prachodzić Minski mižnarodny kaladny fiestyval. U jaho prahramie kaladny kirmaš (draŭlanyja handlovyja šale, u jakich arhanizacyi i pradpryjemstvy z roznych rehijonaŭ Biełarusi, Rasii i krain Bałtyi pradstaŭlajuć šyroki asartymient pradukcyi — ad tradycyjnych navahodnich upryhažeńniaŭ i padarunkaŭ da pradukcyi charčovaj i lohkaj pramysłovaści). Akramia taho, tut pracuje park atrakcyjonaŭ i dziciačaja placoŭka.
Režym pracy kirmašoŭ: kala Pałaca sportu — z 12.00 da 21.00 pa 15 studzienia; na Kastryčnickaj płoščy — z 12.00 da 21.00 pa 23 śniežnia; z 12.00 da 22.00 z 24 śniežnia pa 7 studzienia i z 12.00 da 20.00 z 8 pa 15 studzienia.
Kirmašovyja handlovyja rady kala Pałaca sportu buduć pracavać i ŭ navahodniuju noč da 4 hadzin ranicy.
Kamientary