Papraŭki rychtujucca ŭ Pałacie pradstaŭnikoŭ da razhladu ŭ pieršym čytańni, paviedamlaje BiełaPAN.
20 śniežnia zakonaprajekt razhledžany na pašyranym pasiadžeńni parłamienckaj kamisii pa nacyjanalnaj biaśpiecy. Pavodle słoŭ staršyni kamisii Valancina Michnieviča, zakonaprajekt nakiravany ŭ pieršuju čarhu na prafiłaktyku parušeńniaŭ padčas praviadzieńnia spartyŭnych mierapryjemstvaŭ, uzmacnieńnie pravoŭ i abarony sapraŭdnych zaŭziataraŭ.
Zakonaprajekt uvodzić u Kodeks ab administracyjnych pravaparušeńniach u dačynieńni da fizičnaj asoby novy vid administracyjnaha spahnańnia — «administracyjnaja zabarona na naviedvańnie fizkulturna-spartyŭnych zbudavańniaŭ». Jon praduhledžvaje časovuju zabaronu fizičnaj asobie naviedvać fizkulturna-spartyŭnyja zbudavańni ŭ dni praviadzieńnia spartyŭna-masavych mierapryjemstvaŭ i spartyŭnych spabornictvaŭ.
Zabarona budzie nakładvacca ŭ jakaści dadatkovaha administracyjnaha spahnańnia na termin ad troch miesiacaŭ da troch hadoŭ za ŭčynieńnie administracyjnaha pravaparušeńnia na terytoryi fizkulturna-spartyŭnych abjektaŭ.
Akramia taho, zakonaprajektam praduhledžana administracyjnaja adkaznaść za parušeńnie fizičnaj asobaj umoŭ administracyjnaha aryštu.
Novy vid administracyjnaha spahnańnia płanujecca realizoŭvać šlacham vykarystańnia prahramnych i aparatnych srodkaŭ sistem videanazirańnia pa raspaznańni asob pravaparušalnikaŭ, ažyćciaŭleńnia prapusknoha režymu ŭ miescach praviadzieńnia mierapryjemstvaŭ ź vizualnym kantrolem hramadzian, jakija ŭvachodziać, pravierki dakumientaŭ i hetak dalej.
Vykanańnie pastanoŭ ab administracyjnaj zabaronie budzie ŭskładzienaje na orhany ŭnutranych spraŭ, jakija buduć vieści ŭlik asob, jakija zaznajuć takoje administracyjnaje spahnańnie. Pry hetym prajektam zakona praduhledžvajecca raźmiaščeńnie na aficyjnym sajcie MUS źviestak pra asob, jakim administracyjna zabaroniena naviedvać fizkulturna-spartyŭnyja abjekty.
Na dumku raspracoŭščykaŭ zakonaprajekta, jon budzie nakiravany na aktyŭnuju intehracyju Biełarusi ŭ suśvietnyja pracesy ŭ śfiery fizičnaj kultury i sportu, što dazvolić pravodzić roznyja mierapryjemstvy na bolš vysokim arhanizacyjnym uzroŭni.
U pieršym čytańni, pavodle słoŭ Michnieviča, zakonaprajekt moža być razhledžany ŭ mai 2017 hoda.
