24 i 25 śniežnia ŭ centry Minska kala Pałaca Respubliki — u HC «Kupałaŭski» — projdzie kaladny markiet «Prastora Dobrych Padarunkaŭ»! Mierapryjemstva abjadnaje najlepšyja tradycyi jeŭrapiejskich kaladnych markietaŭ i biełaruskaj haścinnaści, sabraŭšy bolš za 100 udzielnikaŭ roznych vidaŭ i žanraŭ, siarod jakich — majstry chendmejdu, ramiostvaŭ, muzyki, litaratury i samaje šyrokaje koła tvorčych ludziej!
Vyrazny akcent na tvorčy składnik stanie hałoŭnaj admietnaściu kaladnaha markietu «Prastora Dobrych Padarunkaŭ» i jaho asnoŭnym adroźnieńniem ad padobnaha kštałtu mierapryjemstvaŭ i kirmašoŭ, jakija buduć ładzicca ŭ hetyja śviatočnyja dni ŭ biełaruskaj stalicy.
U litaraturna-muzyčnaj i zabaŭlalnaj prahramie vas čakajuć vystupy viadomych biełaruskich litarataraŭ — prazaikaŭ i paetaŭ, bardaŭ, teatralnych dziejačaŭ (dajecca ŭ znaki blizkaść «Kupałaŭskaha teatru»), muzykaŭ i cełych kalektyvaŭ, aŭtohraf-siesii, majstar-kłasy, tematyčnyja fotazony, nastolnyja hulni i animacyja, a taksama prezientacyi novych knih, brendaŭ dy inšych admietnych tavaraŭ ź Biełaruskaj Dušoj!
24 śniežnia, subota
12.00 — vystup teatra-studyi «Zialony Jabłyk» z kaladnymi śpievami i muzyčna-paetyčnaj kampazicyjaj «Moj siabra Aniołak» pavodle tvoraŭ Arcioma Kavaleŭskaha i z muzykaju Źmitra Vajciuškieviča. Mastacki kiraŭnik — Hałuza Taćciana (Baraŭlany).
12.30 — Leanid Drańko-Majsiuk ź nizkaj «Vieršaŭ pra Chomku» i vieršami z «dziciačaha biestselera» — knihi «Cacačnaja krama».
13.00 — Dziciačaja muzyčnaja škoła mastactvaŭ № 19 pradstaŭlaje muzyčnyja vystupy Ihara Piščykava, Natallu Chadkievič, Śviatłanu Miezien.
Ihar Piščykaŭ — łaŭreat mnohich haradskich i mižnarodnych fiestyvalaŭ, konkursaŭ narodnaj tvorčaści Biełarusi, udzielnik muzyčnaha kalektyvu «Minskija muzyki» pad kiraŭnictvam Dmitryja Ravienskaha.
Śviatłana Miezien — łaŭreat haradskich i respublikanskich muzyčnych konkursaŭ.
Natalla Chadkievič — vykanaŭca aŭtarskich piesień i duchoŭnaj muzyki, pastajannaja ŭdzielnica dabračynnych kancertaŭ.
14.00 — historyk i ekskursavod, navukovy supracoŭnik Dziaržaŭnaha litaraturnaha muzieja Janki Kupały, adzin z arhanizataraŭ najpapularniejšaha «Festa Ekskursavodaŭ» Pavieł Karaloŭ raspaviadzie pra «Minsk litaraturny».
Paśla vystupu adbudziecca Litaraturnaja ekskursija. Pavieł Karaloŭ praviadzie Vas šlachami kłasikaŭ biełaruskaj litaratury, paznajomić z admietnymi litaraturnymi miaścinami Minska. Vy daviedajeciesia, ź jakimi miescami źviazana žyćcio Janki Kupały, Maksima Bahdanoviča, Źmitraka Biaduli i mnohich inšych našych viadomych prazaikaŭ i paetaŭ.
Košt ekskursii — 8 rubloŭ, pry papiarednim zapisie źnižka — 6 rubloŭ, dzieciam da 12 hod — biaspłatna. Zapis i dadatkovaja infarmacyja pa ekskursijach — pa telefonach +375-29-134-28-04, +375-25-545-84-30 (Valeryja).
14.20 — Biełaruskija śpievy na Rastvo vykanajuć Viera, Aleksandryna i Marta Skarabahatyja.
15.00 — Aleś Lipaj ź nizkaj vieršaŭ «Abdymki».
15.30 — Valer Zalivaka z hurtom «Zalivistyja šlachciuki».
16.00 — Viačasłaŭ Korbut ź nizkaj vieršaŭ «Kaladnyja bajki».
16.30 — Zaŭsiody jaskravy Raman Abramčuk — zaciaty ravaryst i lider anty-kavierbenda «Haradski vał».
17.00 — Fiejeryčny Sierž Minskievič ź pieśniami i kazkami dla dzietak i darosłych.
17.30 — Źmicier Zacharevič — paet i piesieńnik, nieadnarazovy ŭdzielnik bardaŭskich festaŭ i mižnarodnych litaraturnych forumaŭ. Jak paet Źmicier šmat pracuje nad źmiastoŭnaściu svaich tvoraŭ — vieršaŭ i piesień — zrešty, va ŭsim možna budzie pierakanacca asabista!
18.00 — Maładaja i abajalnaja litaratarka Nina Listota. «Załatoj miełodyjaj Adrodžanych strun Dakranajusia serca tvajho. Ja balzam».
Talenavitaja paetka i žurnalistka pracuje ŭ chołdynhu «Źviazda». Niadaŭna jana z pośpiecham zładziła svoj pieršy paetyčny viečar u Litaraturnym muziei Janki Kupały, jaki tak i nazyvaŭsia «Nina Listota. Naradžeńnie paeta».
25 śniežnia, niadziela
12.00 — admysłova z Homiela pieršymi ciahnikami zavitaje słynny bard Andrej Mielnikaŭ.
12.30 — Uładzimir Bośka — paet, prazaik, dramaturh i frontmen muzyčnaha rok-hurtu «Martin S.»
13.00 — Litaratar(ka), paet(ka) i zorka-televiadoŭca Valaryn(ka) Kustava.
Praśpiavajem razam z Valarynaju «Kałychanku dla Boha» ŭ śviatočny čas Kaladaŭ, kab Usiavyšni spasłaŭ nam žadanaje. A taksama prysłuchajemsia da samy pračułych, śmiełych i žarsnych vieršaŭ pra kachańnie Paetki Nieba. Bo chto z nas nie maryć pra isnaje kachańnie, a vieršy — heta toj padarunak, jaki zaŭždy varta daryć kachanym.
13.30 — Niezvyčajny Viktar Žybul z prezientacyjaj novaj knihi «Dziacieł i dupło».
14.00 — etnična-kaśmičny impravajz ad «DRYNDROŽYK-trya».
14.30 — aktor i režysior Nacyjanalnaha akademičnaha teatra imia Janki Kupały Ihar Piatroŭ z prezientacyjaj muzyčnaha śpiektaklu «Palito z Babrujsku».
15.00 — «Lepšy paet u svajoj siamji, pieršy pierakładčyk u svaim tambury» Aleś Jemieljanaŭ vystupić z prahramaju «Vyjście ź litaratury. Sproby».
16.00 — Ludmiła Ščerba — «u ramanie, vieršach dy pieśniach»: vas čakaje prezientacyja filmasłova «Uładar rybaŭ» i znajomstva z katom Apostrafam, chvilinka paezii, a jašče… upieršyniu nastolki publična Ełvis zahučyć pa-biełarusku!
16.30 — «Tataš Jaraš, mamana Aksana i dačeta Alžbeta» — najaryhinalniejšaja i niezvyčajnaja tvorčaja siamja — Jaraš Mališeŭski, Alžbeta Mališeŭskaja-Sprynčan, Aksana Sprynčan. Padčas ich vystupaŭ publiku čakaje ŭnikalnaje spałučeńnie vieršaŭ, muzyki i śpievaŭ. Bujańnie farbaŭ i miełodyjaŭ, skryžavańnie natchnieńnia i kaladnaha charastva! Aŭtohrafy ad troch hierojaŭ knihi «Poŭny ekskluziŭ», jakaja prynosić ščaście.
17.20 — vystup hałoŭnaha žuka-Halijafa Źmitra Višniova z cykłam «Zimovyja krajavidy».
Akramia litaraturna-muzyčnaj i zabaŭlalnaj prahramy na praciahu ŭsich dvuch dzion z 11.00 da 19.00 budzie pracavać ułasna handlovaja častka i kirmašovaja i interaktyŭnaja zona. Ahułam na Kaladnym markiecie «Prastora Dobrych Padarunkaŭ», jaki sioleta ŭpieršyniu arhanizoŭvaje kampanija «PRASTORA BAJ» razam z handlovym centram «Kupałaŭski» i KUP «Kamaroŭski rynak», buduć pradstaŭlenyja bolš za 70 admietnych biełaruskich ramieśnikaŭ, majstroŭ i vytvorcaŭ samych raznastajnych suvieniraŭ i padarunkaŭ.
Najbolš poŭnaja infarmacyja pra pieršy ŭ Biełarusi Kaladny markiet «Prastora Dobrych Padarunkaŭ» — na sajcie arhanizataraŭ www.PRASTORA.by
Uvachod na ŭsie mierapryjemstvy Kaladnaha markietu «Prastora Dobrych Padarunkaŭ» — volny.
Kaladny markiet «Prastora Dobrych Padarunkaŭ» — pieršaje mierapryjemstva takoha kštałtu ŭ zapłanavanym šerahu padziejaŭ, jakija buduć supolna pravodzić kampanija «PRASTORA BAJ», handlovy centr «Kupałaŭski» i KHUP «Minski Kamaroŭski rynak». Pa pytańniach supracy i ŭdziełu ŭ budučych mierapryjemstvach u miežach hłabalnaha prajekta «Dobraja Prastora ŭ Kupałaŭskim» — prośba źviartacca da kiraŭnika prajekta Michasia Bašury, +375-29-856-42-01, +375-29-652-00-72, [email protected]
