Minfin ZŠA abviaściŭ pra ŭviadzieńnie novych sankcyj suprać Rasii ŭ suviazi z kibieratakami, metaj jakich było paŭpłyvać na chod vybaraŭ amierykanskaha prezidenta.
Sankcyi ŭviedzieny ŭ dačynieńni da FSB i HRU, a taksama troch kampanij — COR Security (Esage Lab), Aŭtanomnaj niekamiercyjnaj arhanizacyi «Prafiesijnaje abjadnańnie kanstruktaraŭ sistem infarmatyki» i «Śpiecyjalny technałahičny centr». Pavodle zajavy prezidenta ZŠA Baraka Abamy, hetyja kampanii ažyćciaŭlali materyjalnaje zabieśpiačeńnie kibierapieracyj HRU.
Pad piersanalnyja sankcyi patrapili načalnik Hałoŭnaha ŭpraŭleńnia Hienštaba US RF (HRU) Ihar Korabaŭ, jaho namieśniki Uładzimir Alaksiejeŭ, Siarhiej Hizunoŭ i Ihar Kaściukoŭ, a taksama chakiery Alaksiej Biełan i Jaŭhien Bahačoŭ.
Pa słovach Baraka Abamy, ZŠA taksama abjavili piersonami non hrata 35 rasijskich dypłamataŭ. Pa dadzienych Reuters, im zahadana pakinuć krainu na praciahu 72 hadzin.
Akramia taho, buduć začynienyja dva abjekty, jakija naležać Rasii ŭ štatach Meryłend i Ńju-Jork, jakija, pa słovach Abamy, vykarystoŭvalisia rasiejcami ŭ raźviedvalnych metach.
Ministerstva ŭnutranaj biaśpieki i FBR apublikujuć rassakrečanuju techničnuju infarmacyju ab ličbavaj dziejnaści rasiejskaj raźviedki.
Ciapier čytajuć
KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma8
Kamientary