Staramodnaść carkvy — absalutna prymityŭny stereatyp. Takoje mierkavańnie ŭ efiry internet-telebačańnia «SB»vykazaŭ nastajaciel Usichśviackaha prychoda Minska protaijerej Fiodar Poŭny.
Staramodnaść i kansiervatyzm carkvy — heta absalutna prymityŭny stereatyp, padkreśliŭ Fiodar Poŭny. «Carkva idzie ŭ nahu z časam, bačyć novyja vykliki, znachodzić samyja vostryja prablemy», — adznačyŭ jon.
Nastajaciel Usichśviackaha prychodu źviarnuŭ uvahu, što ŭ praktyčnaj realizacyi sacyjalnaha słužeńnia niama niejkaha strohaha praviła abo statuta. «Kožny archipastyr, śviatar i śviecki čałaviek svabodna vybiraje, što jamu rabić, kamu dapamahać i kudy nakiroŭvać svaje siły, — rastłumačyŭ jon. — U Biełarusi šmat parafij, jakija zajmajucca svoječasovymi i patrebnymi prajektami, vychoŭvajuć moładź u duchu sučasnaści».
Płoskaściu sudakranańnia namahańniaŭ pravasłaŭnaj i katalickaj cerkvaŭ moža być humanitarnaja misija, skazaŭ Fiodar Poŭny, adkazvajučy na pytańnie ab tym, jakija śfiery mohuć słužyć asnovaj dla raźvićcia supracoŭnictva. «Śviet razburajecca na našych vačach. Padstavaj dla sutyčak źjaŭlajucca palityčnaja, nacyjanalnaja i kanfiesijnaja nieciarpimaść. Pa ŭsim śviecie hinuć ludzi ad teraryzmu. Mirnyja ludzi, siarod jakich staryja, žančyny, dzieci, padviarhajucca strašnym vyprabavańniam i isnujuć časam u žudasnych umovach u haračych kropkach našaj płaniety, jakich stanovicca, na žal, usio bolš», — kanstatavaŭ jon.
«Jašče adnym abjadnoŭvajučym nas faktaram źjaŭlajecca misijanierskaja dziejnaść. Vyklikaje tryvohu naviazvańnie ludziam nienaturalnych normaŭ marali, jakija supiarečać duchoŭnym zakonam byćcia čałavieka, chryścijanskim ujaŭleńniam pra dabro i zło. Kali chryścijanie razam nie stanuć na abaronu svaich kaštoŭnaściaŭ, to našy dzieci duchoŭnyja biasčynstvy sučasnaści prymuć za normu. Naš abaviazak — havaryć pra heta ŭsiamu śvietu», — reziumavaŭ Fiodar Poŭny.
