Nikomu nie budzie dazvolena źnievažać biełaruski narod i dziaržavu, zajaviŭ Alaksandr Łukašenka, naviedvajučy ŭ śviata Rastva Chrystovaha Śviata-Duchaŭ kafiedralny sabor Minska.
Pavodle jaho słoŭ, minuły hod skłaŭsia niaprosta, asabliva va ŭzajemaadnosinach z najbližejšymi susiedziami i partniorami. «Heta nie dazvoliła nam (choć krychu, praŭda) vyjści na tyja zapłanavanyja rubiažy, na jakija my spadziavalisia. Ale ja dumaju, heta prablema ŭład. Jana vyrašalnaja», — adznačyŭ Łukašenka.
«Vy pavinny razumieć hałoŭnuju formułu našych dziejańniaŭ: my nikomu nie dazvolim źnievažać naš narod i dziaržavu. Heta lažyć u asnovie. Kali chtości hetaha nie razumieje, tady nam niaprosta budzie ź imi nie toje što budavać adnosiny, ale i razmaŭlać», — cytuje Łukašenku jaho pres-słužba.
«My nikomu nie možam addać hetuju ziamlu i hetuju dziaržavu. Jana nam dastałasia ŭ niaprostaj histaryčnaj rečaisnaści. Prama skažam, u baraćbie i ŭ vojnach. My stracili vielizarnuju kolkaść ludziej, abaraniajučy našu ziamlu. Tamu my tak trapiatliva, i ja ŭ tym liku, staŭlusia da hetych prablem», — zajaviŭ biełaruski kiraŭnik.
«Hałoŭnaje dla nas — zabiaśpiečyć stabilnaść. Usio astatniaje my znojdziem. Hałoŭnaje — mir i spakoj. Jak tolki my skałaniem našu Biełaruś, nam mała nie padasca. Tut užo daloka za vopytam chadzić nie treba (nie treba iści na Blizki Uschod, u Afryku, ŭ Aziju) — kala našaha paroha jarki hetamu prykład», — padkreśliŭ Łukašenka.
Kiraŭnika dziaržavy sustreŭ mitrapalit Minski i Zasłaŭski Pavieł, patryjaršy ekzarch usiaje Biełarusi. U sabory taksama prysutničali prychadžanie, pradstaŭniki pravasłaŭnych bractvaŭ i siastryctvaŭ, navučency niadzielnaj škoły.
Łukašenka zapaliŭ śviečku kala Minskaj ikony Božaj Maci.
