Na kraŭdfandynhavaj płatformie «Tałaka» raspačaŭsia zbor srodkaŭ na vydańnie najbolš poŭnaha Zboru Tvoraŭ Uładzimira Duboŭki ŭ 2 tamach.
Janka Kupała kazaŭ jamu: «Ja — Dziaržavin, ty — Puškin». Nie zusim darečna. Kupała byŭ Kupałam, ale ž Duboŭka byŭ Duboŭkam — hienijalnym paetam novaha času, vialikim ekśpierymientataram, majstram novaha słova. 25 hod pravioŭ jon u stalinskich łahierach. Paśla vychadu prymušany byŭ kalečyć ułasnyja vieršy, prystasoŭvajučy ich da hustu savieckaha čynavienstva. U novym vydańni układalnik i kamientatar Dźmitryj Davidoŭski adnaviŭ pieršyja varyjanty duboŭkavych vieršaŭ — tyja teksty, što prynieśli jamu viadomaść i luboŭ čytačoŭ.
Aproč vieršaŭ i pierakładaŭ, u Zbory Tvoraŭ drukujucca fiłałahičnyja pracy Duboŭki i jahonyja listy. Źjaviacca tam i archiŭnyja teksty.
Nad vydańniem pracavała vialikaja kamanda. Aproč Dźmitryja Davidoŭskaha, heta redaktary tomaŭ Michaś Skobła i Viktar Žybul, aŭtar pradmovy Iryna Bahdanovič. Vokładki rabiŭ Hienadź Macur.
Zbor Tvoraŭ Uładzimira Duboŭki vyjdzie ŭ sieryi «Hałasy Ajčyny» vydaviectva «Limaryus», dzie raniej vychodziŭ zbor tvoraŭ Łarysy Hienijuš u 2 tamach, a taksama vydańni Alesia Sałaŭja, Janki Juchnaŭca dy inšyja vydatna padrychtavanyja knihi amal nieviadomych kłasikaŭ biełaruskaj litaratury.
