Alaksandr Łukašenka padpisaŭ ukaz, jakim zaćvierdžany novy skład savieta fondu prezidenta Respubliki Biełaruś pa padtrymcy kultury i mastactva.
Skład savieta fondu sfarmiravany z ulikam nieabchodnaści ratacyi jaho členaŭ i abnoŭleny bolš čym na 60%, adznačaje pres-słužba prezidenta.
Staršynia savieta fondu — Nina Šarubina, narodnaja artystka Biełarusi, viadučy majstar sceny Nacyjanalnaha akademičnaha Vialikaha teatra opiery i baleta.
Adnačasova ŭniesieny źmieny ŭ pałažeńnie ab fondzie.
Pavodle infarmacyi pres-słužba prezidenta, pavyšany patrabavańni da adboru i źmiestu kulturnych prajektaŭ z ulikam ich sacyjalnaj značnaści, maštabnaści i efiektyŭnaści realizacyi jak u ramkach asobnych rehijonaŭ, tak i krainy ŭ cełym, a taksama adkaznaść arhanizacyj, jakija atrymali padtrymku fondu. Dla dakładnaha analizu zajavak na finansavańnie hetych prajektaŭ i ŭ metach vyklučeńnia subjektyvizmu ŭ pracy fondu praduhledžana stvareńnie pry Minkultury ekśpiertnaj kamisii, havorycca ŭ paviedamleńni.
