Čarhovy źlot aŭtastopščykaŭ «Biełaruskaja Elba» adbyŭsia na minułym uik-endzie pad Voršaj. Siabry niezarehistravanaha Maładoha Frontu, jak zaŭsiodnika hetaha mierapryjemstva, nie abminuli źlotu i zaraz. Na «Elbie» sabrałosia, jak i zaŭsiody, šmat moładzi z usich staron. Moładź abmieńvałasia ŭražańniami ab apošnich vandroŭkach, śpiavała pieśni, hulała ŭ roznyja zabaŭlalnyja hulni.
Svaimi dumkami ab hetaj padziei padzialiŭsia adzin z udzielnikaŭ źjezdu, Dzianis:
— Vielmi pryjemna sustrecca z starymi j novymi siabrami. Ź niekatorymi ja sustrakajusia tolki na takich schodkach, na rycarskich turnirach i inšych padobnych mieraprymstvach. Nakont hetaj «Elby» chaciełasia b adznačyć, što jana adbyvajecca pad uražańniem ad padziejaŭ 19—25 sakavika. Na źlocie prysutničaje šmat udzielnikaŭ namiotavaha miastečka, a heta, jak i ŭsie stopščyki, vielmi svabodalubivyja ludzi. Tut šmat lubych sercu ściahoŭ, mnoha sapraŭdnaj nacyjanalnaj symboliki, syboliki ź «biełaruskaha majdanu», paŭsiul čutna rodnaja mova, śpiavajucca biełaruskija pieśni, pieśni svabody. Vielmi mnoha ŭdzielnikaŭ z Rasiei i inšych krain. Uvohule, atmasfera cudoŭnaja i pryjaznaja. Zaklikajem usich pieramiaščacca aŭtaspynam, cikavicca rodnymi miaścinami i zamiežnymi krainami, a paśla prymać udzieł u «Elbie», jakaja, darečy, adbyvajecca nia tolki ŭ Biełarusi.
Prysutny
Fotapepartaž na sajcie Mfront.net
