Biełaruś raźličvaje na raźvićcio handlova-ekanamičnych adnosinaŭ ź Sierbijaj, zajaviŭ premjer-ministr Biełarusi Andrej Kabiakoŭ na pieramovach sa staršynioj urada Sierbii Alaksandram Vučyčam u vuzkim składzie.
rts.rs
«Sierbija — adna ź viadučych krain, cikavych Biełarusi na Bałkanskim paŭvostravie, heta naš braterski narod, adzin ź viadučych handlovych partnioraŭ u rehijonie, - adznačyŭ Andrej Kabiakoŭ. — Tamu vielmi raźličvajem, što ciapierašni vizit pasłužyć pierš za ŭsio raźvićciu handlova-ekanamičnych adnosinaŭ».
Premjer-ministr vykazaŭ upeŭnienaść, što pry isnujučych adnosinach siabroŭstva i supracoŭnictva Biełarusi i Sierbii atrymajuć dalejšaje raźvićcio. Kiraŭnik urada padkreśliŭ hatoŭnaść Biełarusi abmiarkoŭvać usie pytańni dvuchbakovaha paradku.
Alaksandr Vučyč u svaju vielmi padziakavaŭ biełaruskamu boku za ciopły pryjom i haścinnaść. «Spadziajusia, što ŭ nas budzie mahčymaść raźvivać ekanamičnyja adnosiny, Biełaruś dla nas družalubnaja kraina. Našy dobryja palityčnyja adnosiny buduć sadziejničać pavieličeńniu tavaraabarotu, heta naša zadača», - skazaŭ jon.
Ciapierašni vizit źjaŭlajecca pieršym aficyjnym vizitam staršyni ŭrada Sierbii ŭ Biełaruś.
