Kiraŭnik MZS Niamieččyny Frank-Valter Štajnmajer syšoŭ u adstaŭku. Novym ministram zamiežnych spraŭ staŭ vice-kancler Zihmar Habryel, jaki ŭznačalvaŭ ministerstva ekanomiki i enierhietyki, paviedamlaje Dw.de
Štajnmajer, jaki ŭznačalvaŭ MZS Hiermanii na praciahu siami hadoŭ, pakinuŭ pasadu ministra ŭ suviazi z tym, što maje namier udzielničać u prezidenckich vybarach.
U intervju haziecie Süddeutsche Zeitung, apublikavanym napiaredadni adstaŭki, Štajnmajer, u pryvatnaści zajaviŭ, što prezidenckaja kampanija ŭ ZŠA «pryviała jaho ŭ žach». Pa słovach Štajnmajera, jon spadziajecca, što «Donald Tramp źmienicca paśla taho, jak zaniaŭ pasadu prezidenta».
Zihmar Habryel raniej niekalki razoŭ zajaŭlaŭ, što vystupaje za źniaćcie sankcyj z Rasii, padkreślivajučy pry hetym, što nieabchodnaj umovaj dla hetaha źjaŭlajecca mirny praces va Ukrainie, uklučajučy vykanańnie minskich pahadnieńniaŭ. Pra heta, jon, u pryvatnaści, kazaŭ u vieraśni 2016 hoda ŭ intervju Reuters napiaredadni vizitu ŭ Maskvu.
Kamientary