Ukrainskaja armija ŭžyvaje taktyku «žabinych skačkoŭ», kali na mnohich učastkach padraździaleńni vajskoŭcaŭ pierasoŭvajucca pa načach na 200—500 m napierad i zamacoŭvajucca na novaj terytoryi», — piša Hazieta.Ru.
Vydańnie kanstatuje, što z užyvańniem takoj taktyki ŭkrainskimi vajennymi «zachoplivajucca ŭ asnoŭnym stepavyja ŭčastki ŭ niepasrednaj blizkaści ad daroh, pa jakich idzie zabieśpiačeńnie stratehičnych pazicyj».
«Takim čynam, pa śćviardžeńni krynic «Haziety.Ru», «biez strełaŭ i strat» była ŭziataja klučavaja vyšynia pa napramku na Stachanaŭ, kudy padraździaleńniam DNR zaraz nie mohuć bieśpieraškodna dastaŭlać vadu, ježu i bojeprypasy», — piša rasijskaje vydańnie.
Jano zajaŭlaje, što tak ukrainskim vajskoŭcam udałosia zavajavać umacavanuju pazicyju «za 200 m ad Danieckaj filtravalnaj stancyi, nad jakoj paźniej byŭ uźniaty ŭkrainski ściah».
«Źjaŭleńnie ŭ hetym adčuvalnym miescy pieradavych pazicyj USU aznačaje ahniavy kantrol učastka trasy Danieck — Horłaŭka, jaki i tak užo «pierakryty» bajami ŭ pramzonie Aŭdziejeŭka. Ciapier patok hruzaŭ u Horłaŭku, Jenakijeva i Łuhansk z Daniecka idzie praź Jasinavatuju i vychodzić na Horłaŭskuju trasu za paŭtara kiłamietra ad novych pazicyj USU.
Ukraincam, kab pierakryć najvažniejšuju dla samaabvieščanych respublik transpartnuju arteryju, nie treba brać nijakich nasielenych punktaŭ — mima Vasiljeŭki možna prasoŭvacca ŭzdoŭž trasy pa «lasach», u jakija pieratvarylisia zakinutyja pładovyja sady tutejšaha saŭhasa», — havorycca ŭ publikacyi.
Adznačajecca taksama, što, «pavodle apoviedaŭ bajcoŭ DNR, u bolšaści vypadkaŭ jany sapraŭdy nie pakidajuć pazicyi, prosta za košt «žabkinych skačkoŭ» adlehłaść da supiernika časta z 1,5 km skaračajecca da 150 m».
«Jašče adnoj haračaj kropkaj hetaj zimy źjaŭlajecca Debalcava. Krynica «Haziety.Ru» u bataljonie 3-j motastrałkovaj bryhady 1-ha armiejskaha korpusa DNR paćvierdziła, što ich padraździaleńnie adyšło ŭ studzieni na 500 m i pad kantrolem USU akazałasia siało Kalinava pad Debalcavym. Kalinava tolki naminalna možna adnieści da «nasielenaha punkta, i, chutčej, jano ŭpisvajecca ŭ taktyku zachopu «učastkaŭ stepie». Va ŭsiakim razie ŭ Debalcavie «Hazietie.Ru» zachop Kalinava nie zmahli paćvierdzić», - adznačajecca ŭ publikacyi.
«Ukrainskija krynicy śćviardžajuć, što USU padyšli da Debalcava na 6 km i što ŭ «paŭakružeńni» razam ź im užo znachodziacca Horłaŭka, Dakučajeŭsk i Jasinavataja. Skaardynavany ruch vojskaŭ adrazu na piaci napramkach pa ŭsioj linii frontu nie moža być vypadkovym. Tym bolš, kali jon supadaje z nastojlivymi palityčnymi patrabavańniami ŭkrainskich pieramoŭščykaŭ u minskaj kantaktnaj hrupie viarnucca da linii supraćstajańnia ad 19 vieraśnia 2014 hoda», — piša Hazieta.Ru.
Vydańnie ličyć, što «roźnica pamiž vieraśniem 2014 hoda i ciapierašniaj situacyjaj ŭzoru lutaha 2015 hoda składaje 1,5 tys. kv. km terytoryi».
«U sprečnuju zonu ŭvachodziać taksama dva bujnyja harady - Debalcava i Dakučajeŭsk, jakija pa kartach pieršych minskich pahadnieńniaŭ byli ukrainskimi. Sioły na maryupalskim kirunku až da Sachanki i Kaminternava taksama byli na hetaj karcie pad kantrolem USU.
Napieradzie dva mahčymyja scenary: uspyška vajny z poŭnym akružeńniem «sprečnych» haradoŭ abo stvareńnie žorstkaj pieramoŭnaj pazicyi, źviazanaj z praciaham «paŭzučaha nastupu» i dypłamatyčnym ciskam», — zaklučaje Hazieta.Ru.
