Pra heta zajaviŭ BiełaPAN 31 studzienia ŭ Minsku pierad adkryćciom mižnarodnaj śpiecyjalizavanaj vystavy «Biellehmaš 2017» pieršy namieśnik staršyni kancerna «Biellehpram» Viačasłaŭ Mirusin.
«Faktyčna ŭsie abaviazacielstvy pierad SHA Biełaruś pryniała pry ŭvachodžańni ŭ hetuju arhanizacyju asnoŭnaha handlovaha partniora — Rasii. Usie taryfnyja i nietaryfnyja miechanizmy rehulavańnia SHA Biełaruś vykonvaje. My dastatkova daŭno ŭžo pracujem va ŭmovach SHA», — adznačyŭ pieršy namieśnik staršyni kancerna.
Jon taksama nahadaŭ, što Jeŭrasajuz pryniaŭ rašeńnie ab źniaćci techničnaha barjera ŭ handli Biełarusi ź ES — kvatavańnia pastavak tekstylnaj pradukcyi. «My dumajem, što heta nam paspryjaje i ŭ płanie naroščvańnia tudy ekspartu», — skazaŭ Mirusin.
Pavodle jaho słoŭ, pradpryjemstvy kancerna pracujuć nad dyviersifikacyjaj ekspartu. «Biezumoŭna, praca pa asvajeńni novych rynkaŭ viadziecca i kancern vykanaŭ zadańnie ŭrada: ekspartnyja pastaŭki skłali 6,1 młn dołaraŭ pry zadačy ŭ 5 młn. Takaja praca budzie praciahvacca. Nie ŭsie tavary biełaruskaj lohkaj pramysłovaści mohuć być zapatrabavany na novych rynkach. Pa-raniejšamu asnoŭnym partnioram zastajecca Rasija, i heta stabilnaść našych ekspartnych pastavak, ale praca pa dyviersifikacyi ekspartu budzie vieścisia», — adznačyŭ Mirusin.
Jak paviedamlałasia, 23—26 studzienia ŭ Ženievie adbyŭsia čarhovy raŭnd pieramovaŭ ab dałučeńni Biełarusi da SHA. Biełaruś — adzinaja dziaržava Jeŭrazijskaha ekanamičnaha sajuza, jakaja nie źjaŭlajecca členam Suśvietnaj handlovaj arhanizacyi.
