Za minuły hod biełaruskija vydaviectvy vypuścili 9.581 najmieńnie knih ahulnym nakładam bolšym za 23 młn asobnikaŭ, paviedamiŭ na pres-kanfierencyi 2 lutaha ŭ Minsku namieśnik ministra infarmacyi Ihar Łucki.
Niahledziačy na toje, što lik najmieńniaŭ vypuščanych knih skaraciŭsia ŭ adnosinach da 2015 hoda na 6,7%, nakład knižnaj pradukcyi vyras na 7,4%.
Łucki adznačyŭ, što za minuły hod było vydadziena 1122 knihi i brašury na biełaruskaj movie. Takim čynam, dola biełaruskamoŭnych vydańniaŭ u ahulnym ab`iomie vypuščanaj litaratury skłała 11,7%. Nakład knih na biełaruskaj movie vyras na 1,6% u paraŭnańni z 2015 hodam — da 3,74 młn asobnikaŭ.
U pačatku 2016 hoda ministr infarmacyi Lilija Ananič ŭžo źviartała ŭvahu žurnalistaŭ na rost cikavaści vydaŭcoŭ i čytačoŭ da biełaruskamoŭnaj litaratury. Tady jana paviedamiła, što za 2015 hod nakład vydańniaŭ na biełaruskaj movie rezka vyras — na 17%.
