15 lipienia naziralniki P. Batujeŭ i M. Šaravar asabista źviarnulisia ŭ Salihorski rajvykankam z prośbaj paviedamić im datu, čas i miesca praviadzieńnia pieršaha pasiedžańnia Salihorskaj haradskoj i Salihorskaj sielskaj akruhovych vybarčych kamisij. Pry hetym jany mieli na rukach i padali ŭ vykankam vypisku z pratakołu pasiedžańnia Rady RPHA "Biełaruski Chielsinski kamitet" ab nakiravańni ich na pasiedžańni adpaviednych akruhovych vybarčych kamisij u jakaści naziralnikaŭ.
Adnak u rajvykankamie ni Batujevu, ni Šaravaru datu, čas i miesca praviadzieńnia pieršaha pasiedžańnia nie paviedamili. Nie była pradstaŭlenaja infarmacyja i pa piersanalnym składzie akruhovych vybarčych kamisij. Pracaŭnik rajvykankama paviedamiŭ, što dadzienaja infarmacyja budzie apublikavanaja ŭ miascovaj haziecie "Šachcior".
Atrymaŭšy admovu, P. Batujeŭ źviarnuŭsia z toj ža prośbaj da staršyni Salihorskaj rajonnaj Rady deputataŭ Ł.A. Kliševič. Jana nazvała datu praviadzieńnia pieršaha pasiedžańnia Salihorskaj haradskoj akruhovaj kamisii, (16 lipienia 2008 hoda), ale dać infarmacyju ab časie praviadzieńnia pasiedžańnia i nazvać pamiaškańnie, u jakim jano budzie prachodzić, jana admoviłasia.
Pa padobnym scenary raźvivalisia padziei ŭ h. Słucku i h. Niaśvižy. Pradstaŭnik ad RPHA "BCHK" pa Słuckaj vybarčaj akruzie A. Amialkovič źviarnuŭsia da staršyni Słuckaj akruhovaj vybarčaj kamisii A.A. Andruškieviča (jaki abiraŭsia staršynioj kamisij va ŭsich vybarčych kampanijach pačynajučy z 1994 hady) z prośbaj dać infarmacyju ab składzie akruhovaj kamisii. Infarmacyju A.A. Andruškievič paviedamić admoviŭsia, spasłaŭšysia, što jana budzie apublikavanaja ŭ hazecie. Takim ža čynam adreahavaŭ na prośbu pradstaŭnika pa Niaśvižskaj vybarčaj akruzie U.P. Pakłonskaha staršynia Niaśvižskaj akruhovaj vybarčaj kamisii A.A. Korniuškin, jaki źjaŭlajecca zahadčykam ideałahičnaha adździeła Niaśvižskaha rajvykankama.
