«Stali trymacca za pracoŭnyja miescy». Kanapackaj adkazali, čamu nie admieniać dekret ab darmajedstvie
Deputat Pałaty pradstaŭnikoŭ Hanna Kanapackaja atrymała adkaz z Administracyi prezidenta na zvarot z nahody admieny našumiełaha dekreta ab padatku na darmajedstva. Pra heta jana paviedamiła na svajoj staroncy ŭ fejsbuku. Jak nie ciažka było zdahadcca, ułady «nie bačać padstaŭ» dla admieny hetaha dakumienta.
Deputat napisała zvarot u Administracyju jašče 10 studzienia. U im, nahadajem, jana zapatrabavała admianić dekret «u najbližejšy čas». «Biez usiakich ahavorak, dapracovak i h.d. Admienieny i kropka!» — napisała tady Hanna Kanapackaja.
Adkaz pryjšoŭ za podpisam namieśnika kiraŭnika Administracyi Uładzimira Mickieviča, piša finance.tut.by.
U im havorycca, što realizacyja dekreta № 3 nakiravana «nie stolki na papaŭnieńnie biudžetu, kolki na praduchileńnie ŭtrymalnickich nastrojaŭ u hramadstvie». Bolš za toje, pavodle praviedzienaha manitorynhu dakumient padtrymlivaje bolšaja častka hramadzian, zaniatych u realnym siektary ekanomiki».
Pryviedzieny i vyniki pracy dekreta: «Na pradpryjemstvach Biełarusi zapavoliłasia ciakučaść kadraŭ, byli zapoŭnienyja mnohija niezapatrabavanyja raniej vakansii, — miarkujuć u Administracyi prezidenta. — Ludzi stali daražyć svaimi pracoŭnymi miescami, zabiaśpiečvajučy stabilnaść pracoŭnych resursaŭ pradpryjemstvaŭ».
Akramia taho, u Administracyi prezidenta nahadali, što niadaŭna ŭ dakumient byli ŭniesieny źmieny, «uličanyja niedachopy». Asabliva pry hetym adznačyli normu ab tym, što miascovyja orhany ŭłady atrymali prava vyzvalać ad vypłaty zboru tych, chto apynuŭsia ŭ ciažkaj žyćciovaj situacyi.
U vyniku «padstaŭ dla ŭniasieńnia prezidentu prapanoŭ pa admienie dekreta (…) nie bačna».
Nahadajem, pra toje, što ŭ bližejšy čas dakumient nie budzie admienieny, vykazaŭsia i kiraŭnik krainy. «Ja miarkuju, što dalej niama padstaŭ raskručvać hetuju temu i kazać, što heta nie dla našaj ekanomiki, našaha hramadstva. Hety dekret pracuje 2-3 hady. Davajcie jašče ź im pažyviom. Kali ja i vy pryjdziem da ćviordaj vysnovy, što heta anachranizm i jon nam nie patrebny, to my jaho admienim. Nie śpiašajciesia. Moža, hety dakumient pryniasie šmat karysnaha ŭ naša žyćcio», — skazaŭ Łukašenka.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary