8 lutaha Ahulny schod suzasnavalnikaŭ Jeŭrapiejskaha humanitarnaha ŭniviersiteta (EHU) paćvierdziŭ kandydaturu Jevy Srejbier pa ŭvachodžańni ŭ skład Kiraŭničaj rady EHU. Pra heta paviedamlaje pres-słužba ŭniviersiteta.
Paśla pryznačeńnia novaha składa Kiraŭničaj rady EHU ŭ śniežni 2016 hoda kandydatura jašče adnaho čalca rady musiła być vyłučana šviedskim uradam. Takim kandydatam stała vybitny šviedski prafiesijanał u bankaŭskaj halinie i były vice-prezident Jeŭrapiejskaha inviesticyjnaha banka sp-nia Jeva Srejbier.
Fota: JEIB.
Pa słovach prezidenta fonda «Jeŭrazija» i staršyni Ahulnaha schodu suzasnavalnikaŭ EHU Chortana Bibi-Sentera, «prafiesijny dośvied i kantakty spadaryni Srejbier u halinie finansavaha kiravańnia stanuć nadzvyčaj kaštoŭnymi dla dalejšaha ŭdaskanaleńnia stratehičnaha kiravańnia ŭniviersitetam».
Jeva Srejbier raspačała karjeru ŭ Ryksbanku Šviecyi, dzie zajmała pasadu pieršaj namieśnicy kiraŭnika Centralnaha banka. Jana taksama pracavała ŭ jakaści namieśnicy hienieralnaha dyrektara banka Swedbank i była vykanaŭčym dyrektaram Mižnarodnaha valutnaha fonda ŭ rehijonie paŭnočnych i bałtyjskich krain. U 2007—2011 hadach sp-nia Srejbier źjaŭlałasia vice-prezidentam Jeŭrapiejskaha inviesticyjnaha banka i adkazvała za finansavyja apieracyi ŭ krainach Skandynavii i Bałtyi, Rasii, krainach Uschodniaha partniorstva i Jeŭrapiejskaj prastory volnaha handlu. Apošnim časam sp-nia Srejbier była čalcom Rady dyrektaraŭ Jeŭrapiejskaha banka rekanstrukcyi i raźvićcia.
