Hruzinskaja prakuratura paćvierdziła zatrymańnie kiraŭnika słužby pa kiravańni majomaściu Patryjarchii Hruzii ajca Hieorhija (Mamaładze) pavodle padazreńnia ŭ zamachu na zabojstva patryjarcha Ilii II. Zajava hałoŭnaha prakurora krainy Iraklija Šatadze pryvodzicca na sajcie viedamstva.
tass.ru
Jak udakładnili ŭ prakuratury, śviatar byŭ zatrymany 10 lutaha ŭ mižnarodnym aeraporcie Tbilisi. Heta adbyłosia paśla atrymańnia zajavy ad hramadzianina, jaki paviedamiŭ, što Mamaładze «paprasiŭ jaho za vialikaje ŭznaharodžańnie nabyć atrutnaje rečyva cyjanid dla likvidacyi vysokapastaŭlenaha śviatara».
Prakuratura pačała rasśledavańnie na padstavie hetaj infarmacyi.
Šatadze taksama raspavioŭ, što zatrymany źbiraŭsia palacieć u Bierlin, dzie lečycca Ilija II. Padčas zatrymańnia ŭ jaho ŭ bahažy byŭ znojdzieny cyjanid. «Pry pieratrusie jahonaj kvatery była vyjaŭlena ahniastrelnaja zbroja i patrony», - dadaŭ prakuror.
Raniej stała viadoma, što katalikosa-patryjarcha Hruzii Iliju II paśpiachova praapieravali ŭ adnoj ź bierlinskich klinik u suviazi z zapaleńniem mačavoha puchira.
Ab mahčymaj sprobie atručvańnia kiraŭnika hruzinskaj carkvy raniej sa spasyłkaj na krynicy paviedamlaŭ telekanał «Rustavi 2». Paźniej infarmacyju ab zatrymańni Hieorhija Mamaładze paćvierdzili aficyjna. Pa spravie byŭ taksama dapytany načalnik słužby achovy patryjarcha Iosieb Achaanašvili.
