Na palihonie «Paleski» pravodziacca vyprabavańni doślednaha ŭzoru bajavoj mašyny 9A33-1B — novaha biełaruskaha varyjantu zienitna-rakietnaha kompleksu «Asa», piša aficyjnaje vydańnie Minabarony vsr.mil.by.
Heta madernizacyja jašče savieckaha ZRK z dalnaściu stralby da 10 km — to bok dla niepasrednaj abarony bajavych paradkaŭ svaich vojskaŭ.
Usiaho za miežami SND, jak ličycca, znachodziacca na ŭzbrajeńni kala 400 takich mašyn, u tym liku ŭ Hrecyi, Indyi, Iardanii, Polščy, Hruzii. Mienavita takim kompleksam u 2008 hodzie byŭ źbity rasijski zvyšhukavy rakietanosiec Tu-22M3.
Dośledna-kanstruktarskija pracy pa madernizacyi pravodzilisia 2566-ym zavodam pa ramoncie radyjoelektronnaha ŭzbrajeńnia z kanca 2012 hoda i zakončylisia ŭ minułym hodzie.
Pa mierkavańni biełaruskich śpiecyjalistaŭ kapitalny ramont i madernizacyja «Asy» padnimuć jaje charakterystyki da sučasnaha ŭzroŭnia, zabiaśpiečać nadziejnaje vyjaŭleńnie i źniščeńnie takich novych celaŭ jak bieśpiłotniki, pavysiać pieraškodaabaronienaść mašyny.
U pryvatnaści madernizacyja ŭklučaje zamienu častki abstalavańnia stancyi vyjaŭleńnia celaŭ, stancyi supravadžeńnia celaŭ, sistemy naviadzieńnia rakiet, piša sajt zavoda
U vyniku maksimalnaja dalnaść vyjaŭleńnia celaŭ vyrastaje da 60 z 40 km, vyrastaje dakładnaść naviadzieńnia, dalnaść źniščeńnia celaŭ padymajecca da 12 z 10 km, dalnabojnaść pa vyšyni — da 6 z 5 km.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary