Kaardynatar Ruchu «Za Svabodu» ŭ Minskaj vobłaści Vital Amialkovič zrabiŭ zaŭvahu raspaŭsiudžvalnikam ściažkoŭ u Słucku, u adkaz tyja pačali pavodzić sabie ahresiŭna. Daviałosia vyklikać milicyju.
«Hrupa maładych ludziej, jakija pradstaŭlalisia hłuchaniamymi, u Słucku prystavali da minakoŭ, sprabujučy pradać dziaržaŭnyja čyrvona-zialonyja ściažki. Ja padyšoŭ zrabiŭ im zaŭvahu, zapytaŭsia, ci nie niezakonnaja heta pradprymalnickaja dziejnaść. U adkaz tyja pačali mianie chapać za ruki, sprabavali adciahnuć», - raspavioŭ sajtu Pyx.by Vital Amialkovič.
Pa jahonych słovach, u vyniku jon vyklikaŭ milicyju. «Jak tolki tyja pabačyli milicyju, napisali: «Jon BNF», - i tykali na nalepku na telefonie z Pahoniaj», - adznačyŭ ruchaŭski kaardynatar.
Amialkovič pryhadaŭ, što hetyja ž pradaŭcy raniej pradavali i rasijskija ściažki i «kałaradskija» stužki. I ahresiŭna sabie pavodzili, kali jon sprabavaŭ ich fatahrafavać.
Milicyja zatrymała pradaŭcoŭ, pajechaŭ u pastarunak i Vital Amialkovič, ź jakoha ŭziali tłumačalnuju. Pa jahonych słovach, milicyjanty da situacyi stavilisia spakojna.
Zaraz milicyja apytvaje pradaŭcoŭ ściažkoŭ, vyklikany surda-pierakładčyk. Zajava Amialkoviča pryniataja, budzie praviedzienaja pravierka,
