Pavodle infarmacyi kraj.by, zdabyčaj złamyśnika stali 14 mietaličnych vuhałkoŭ koštam 1200 rubloŭ. Vyjavili kradziež 14 lutaha.
Načalnik Smarhonskaha rajonnaha adździeła Śledčaha kamiteta Andrej Rezin paviedamiŭ, što zajavu ŭ milicyju napisaŭ supracoŭnik kampanii Džual Li. Liniju elektrapieradač da AES kitajcy viaduć praz Smarhonščynu na miažy z Ašmianskim rajonam. Budaŭničaja placoŭka nie achoŭvajecca, što i paspryjała kradziažu.
Smarhonski rajadździeł Śledčaha kamiteta pačaŭ kryminalnuju spravu pa fakcie kradziažu. Maksimalnaje pakarańnie, jakoje pahražaje złamyśniku, — try hady pazbaŭleńnia voli.