Nietypovaje dla hetaha času hoda i rehijonu nadvorje ŭstalavałasia na Aravijskim paŭvostravie. U mnohich abłaściach Saudaŭskaj Aravii ŭžo biez małoha tydzień ljuć daždžy, tempieratura pavietra ŭ Er-Ryjadzie dniom ledź-ledź pieravyšaje 10°C, a ŭnačy apuskajecca da 5 hradusaŭ Celsija. U bližejšyja dni pavietra prahrejecca da 20°C i budzie jasna, ale zatym znoŭ pryjdzie daždžlivaje, vietranaje i chałodnaje nadvorje.
Mocnyja apadki pryviali da padtapleńnia asobnych učastkaŭ daroh, kvater i parušeńnia čyhunačnaha ruchu. U pryvatnaści, syšoŭ z rejek ciahnik, jaki kursuje pamiž Er-Ryjadam i Damamam. Traŭmy roznaj stupieni ciažkaści atrymali 18 pasažyraŭ. Kamunalnyja i vyratavalnyja słužby adčuvajuć ciažkaści z evakuacyjaj aŭtamabilaŭ i žycharoŭ ź miescaŭ zatapleńnia.
