U suviazi z masavymi pratestami biełarusaŭ suprać skandalnaha padatku z «darmajedaŭ», Libieralna-demakratyčnaja partyja vystupiła z zajavaj, jakaja apublikavanaja na sajcie partyi.
«Siońnia ŭ Homieli, Hrodna, Mahilovie ludzi vyjšli na mitynhi suprać Dekreta Prezidenta Respubliki Biełaruś №3 «Ab papiaredžańni sacyjalnaha ŭtrymanstva, — havorycca ŭ paviedamleńni. — Aburaje, što da ludziej nie vyjšaŭ ni adzin z čynoŭnikaŭ miascovaj ułady, u tym liku, namieśniki pa ideałohii. Vyšejšy Saviet i Centralny kamitet ŁDPB źviartajecca da kiraŭnictva krainy: 1) Prypynić dziejańnie Dekreta. Stvaryć kamisiju pa vyvučeńni praktyki jaho prymianieńnia. U skład kamisii ŭklučyć pradstaŭnikoŭ parłamienckich partyj, aŭtarytetnych ludziej našaj krainy; 2) Vyzvalić ad zajmanych pasadaŭ čynoŭnikaŭ miascovych administracyj, u tym liku namieśnikaŭ pa ideałohii, jakija nie vyjšli da ludziej».
Libieralna-demakratyčnaja partyja šmat hadoŭ vystupała tradycyjnym sparynh-partnioram uładaŭ na vybarach.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary