Adzin z zasnavalnikaŭ Microsoft i samy bahaty čałaviek u śviecie pa viersii Forbes Bił Hiejts prapanavaŭ uvieści padatki na pracu robataŭ, kab finansavać prafiesijnuju pierapadrychtoŭku ludziej, paviedamlajuć infarmahienctvy.
Bił Hiejts zaniepakojeny chutkaściu, ź jakoj adbyvajecca zamiaščeńnie čałaviečaj pracy miechaničnaj, u suviazi z čym vystupiŭ z prapanovaj urehulavać hetaje pytańnie pry dapamozie padatkovaj nahruzki. Miljarder pierakanany: adsutnaść padachodnaha padatku i padatku na prybytak zabiaśpiečvaje mašyny niespraviadlivaj pieravahaj pierad ludźmi. U adnym ź intervju jon taksama rastłumačyŭ, što novy padatak dazvoliŭ by finansavać prafpierapadrychtoŭku ludziej, dziakujučy čamu jany zmohuć i dalej zajmać pracoŭnyja miescy, jakija pakul što zakrytyja dla robataŭ. Pry hetym hałoŭnym čynam majecca na ŭvazie dohlad za dziećmi i starymi.
U sučasnym śviecie ŭsio bolš kampanij vykarystoŭvajuć robataŭ dla vykanańnia roznych vidaŭ dziejnaści, u vyniku čaho kolkaść vakansij dla ludziej skaračajecca. U vysokatechnałahičnych halinach asobnyja vidy pradukcyi vypuskajucca pry minimalnym udziele čałavieka.
Kamientary