Što takoje «koler» i čamu jon fienomien kultury?
Jakija kolery pieršymi atrymali svaje imiony ŭ našych dalokich prodkaŭ?
Čyje kałarystyčnyja trendy my pieraniali i jak pieraasensavali?
Jakim čynam kolery farmujuć samaidentyčnaść?
Latučy ŭniviersitet zaprašaje na vystavu mastaka i dyzajniera Michała Aniempadystava «Koler Biełarusi», jakaja adkryjecca ŭ halerei Biełaruskaha Sajuza Dyzajnieraŭ (vuł. Bryleŭskaja, 14, uvachod sa dvara) 28 lutaha ŭ 19.00.
«Koler Biełarusi» — heta miždyscyplinarnaje daśledvańnie Michała Aniempadystava:
— Ja daśleduju historyju i rolu koleraŭ u biełaruskaj kulturnaj tradycyi, ci, kali być dakładnym, u tych kulturnych tradycyjach, jakija ŭtvarali asnovu dla paŭstańnia biełaruskaj kultury i źjaŭlajucca jaje nieadjemnymi častkami.
Na vystavie budzie pradstaŭlena vizualnaja častka daśledvańnia — abjekty, jakija źjaŭlajucca nośbitami ŭlubionych koleraŭ biełaruskaj kulturnaj tradycyi. Nośbity hetyja roznyja. Niekatoryja ź ich archietypičnyja, a razam z tym, nastolki zvyčajnyja, što my pierastali źviartać na ich uvahu. Inšyja zabylisia, zacierlisia, zafarbavalisia paźniejšymi kulturnymi napłastavańniami i čakajuć na sistemnaje, ruplivaje adnaŭleńnie. Trecija majuć patrebu ŭ dadatkovym pajaśnieńni kanteksta, siemantyki i sensaŭ.
Vystava papiaredničaje vychadu ŭ śviet adnajmiennaj manahrafii, prezientacyja jakoj płanujecca ŭ sakaviku sioleta. Praciahniecca vystava «Koler Biełarusi» da 24 sakavika.
Uvachod volny.
Padrabiaznuju infarmacyju pra vystavu «Koler Biełarusi» i padziei ŭ jaje miežach šukajcie na sajcie www.fly-uni.org
Michał Aniempadystaŭ — kulturny dziejač, dyzajnier, hrafik, paet, aŭtar tekstaŭ i kancepcyi prajekta «Narodny Albom».
Vystava «Koler Biełarusi» ładzicca ŭ miežach Mižnarodnaha prajekta pa raźvićci kulturnaj spadčyny CHOICE.