Soniečnaja elektrastancyja płoščaj kala 40 ha źjavicca ŭ 2017 hodzie ŭ Jelskim rajonie, paviedamiŭ BIEŁTA namieśnik staršyni Jelskaha rajvykankama Hienadź Łapacienka.
Inviestycyjny prajekt realizujecca zhodna z damovaj, zaklučanaj pamiž Homielskim abłvykankamam i irłandskaj kampanijaj. Abjom inviestycyj u prajekt składzie kala 14 młn. jeŭra, naminalnaja mahutnaść soniečnaha parku — 14,31 MVt. Atrymanaja na hielijaŭstanoŭkach elektraenierhija budzie nakiroŭvacca ŭ dziejučyja sietki «Homielenierha». «Realizacyja prajekta dapamoža źvieści da minimumu škodu dla navakolnaha asiarodździa, a taksama daść mahčymaść pavysić enierhietyčnuju biaśpieku krainy, źniziŭšy jaje zaležnaść ad vuhlevadarodnaj syraviny», — adznačyŭ Hienadź Łapacienka.
Pad budaŭnictva soniečnaha parku vydzielena kala 40 ha lasnych ziamiel, raźmieščanych u Kačyščanskim laśnictvie, niepadalok ad vioski Višańki Jelskaha rajona. Pa słovach surazmoŭcy, užo praktyčna całkam zavieršanyja raboty pa rasčystcy i padrychtoŭcy placoŭki, da kanca lutaha pačnucca pastaŭki abstalavańnia.
Jelski rajon dla budaŭnictva soniečnaj elektrastancyi abrany nie vypadkova. Pa-pieršaje, tut vialikaja kolkaść soniečnych dzion u hodzie. Pa-druhoje, abjekt, jaki budujecca na terytoryi, paciarpiełaj ad avaryi na Čarnobylskaj AES — jašče adzin prykład taho, jak takija ziemli mohuć być vykarystanyja ŭ kamiercyjnaj dziejnaści i prynosić karyść miascovaj ekanomicy.
Park soniečnych batarej ŭ Jelskim rajonie zapracuje ŭžo ŭ hetym hodzie.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary