Zatrymany Pavieł Staravojtaŭ — adzin z moładzievych aktyvistaŭ, jakija pratestavali suprać budaŭnictva biznes-centra kala ŭročyšča Kurapaty.
Jak paviedamiŭ naviny.by adzin ź lidaraŭ «maładafrontaŭcaŭ» Źmicier Daškievič, Staravojtaŭ byŭ zatrymany kala 13:00 supracoŭnikami UUS Savieckaha rajona Minska.
Dzie ciapier znachodzicca aktyvist, nieviadoma. Daškievič miarkuje, što jaho pavieźli ŭ RUUS.
Akramia taho, pa infarmacyi Daškieviča, supracoŭniki milicyi skłali niekalki administracyjnych pratakołaŭ u dačynieńni da aktyvistaŭ za błakavańnie budaŭničaj techniki.
U ciapierašni čas budaŭničyja pracy na placoŭcy praciahvajucca, skazaŭ Daškievič.
0
0
0
0
0
0