Uročyšča Kurapaty pavinna stać ahulnanacyjanalnym miemaryjałam smutku i pamiaci. Takaja ideja abmiarkoŭvałasia siońnia ŭ Minsku ŭ čas tematyčnaha kruhłaha stała, arhanizavanaha hazietaj «SB. Biełaruś siehodnia», pieradaje BIEŁTA.
Tak, upaŭnavažany pa spravach relihij i nacyjanalnaściaŭ Leanid Hulaka padkreśliŭ: «Heta miesca, jakoje zasłuhoŭvaje ŭšanavańnia». Jaho ideju padtrymali i raźvili inšyja ŭdzielniki kruhłaha stała. U Kurapaty, na ich dumku, mahli b pryjazdžać ludzi, čyje siamji tak ci inakš zakranuli represii 20-50-ch hadoŭ minułaha stahodździa, kab pakłanicca pamiaci rodnych i blizkich. Prapanoŭvałasia taksama ŭstalavać u Kurapatach znak abo kaplicu, abviaściŭšy tvorčy konkurs pa jaho stvareńni, naprykład, siarod moładzi.
Hałoŭny redaktar haziety «SB. Biełaruś siehodnia» Pavieł Jakubovič adznačyŭ, što Kurapaty pavinny stać «miescam narodnaha smutku i vysakarodnaj pamiaci». A ci stanie ŭročyšča miemaryjałam — pakaža hramadskaja dyskusija. Ekśpierty ličać, što z hetaj temy treba źniać štučnuju palityzavanaść. Kurapaty pavinny stać miescam jadnańnia — niezaležna ad palityčnych pohladaŭ, relihijnych pohladaŭ, pierakananyja jany.
Padčas kruhłaha stała, u jakim uziali ŭdzieł navukoŭcy, hramadskija dziejačy, dziaržaŭnyja słužačyja, abmiarkoŭvalisia status Kurapataŭ, značeńnie hetaha miesca ŭ hramadskim žyćci, uroki, jakija varta vynieści z trahičnaha minułaha.
