Kryminalnaja sprava raspačataja ŭ dačynieńni da dvuch žycharoŭ Śvietłahorska za stralaninu ź pnieŭmatyčnaj zbroi pa padletkach. Takaja infarmacyja raźmieščanaja na sajcie UUS Homielskaha abłvykankama.
Chulihanaŭ zatrymali vajskoŭcy aŭtapatrula, jakija nieśli słužbu pa achovie hramadskaha paradku. Na miesca zdareńnia pravaachoŭniki prybyli, atrymaŭšy apieratyŭnaje paviedamleńnie ab tym, što ŭ adnym ź mikrarajonaŭ Śvietłahorska dvoje maładych ludziej učynili stralaninu ź pnieŭmatyčnaha pistaleta pa ludziach. Jak vyśvietliłasia, maładyja ludzi, abodva 1995 hoda naradžeńnia, budučy niećviarozymi, vyrašyli takim čynam vyśvietlić adnosiny ź niepaŭnaletnimi, jakija katalisia z horki na dziciačaj placoŭcy.
Parušalniki pravaparadku byli zatrymanyja, pry zatrymańni ŭ adnaho ź ich byŭ kanfiskavany pnieŭmatyčny pistalet marki Borner.
U dačynieńni da maładych ludziej raspačataja kryminalnaja sprava za chulihanstva (č. 2 art. 339 KK).
