Na siońnia nazirajecca sezonnaje źnižeńnie aktyŭnaści na rynku nieruchomaści, paviedamlaje sajt nieruchomaści Realt.by. Pavodle dadzienych sajtu, abjom prapanovy na rynku nieruchomaści Miensku pa-raniejšamu dastatkova vialiki. Pakupniki majuć mahčymaść vybaru. U asnoŭnym istotna patańnieli kvatery staroj zabudovy – tak zvanyja chruščoŭki i brežnieŭki.
Liderami pavodle pamieru siarednich cenaŭ prapanovy pa-raniejšamu zastajucca Centralny ($2257/kv.m.) i Saviecki ($2063/kv.m.) rajony. Samyja nizkija ceny ŭ Zavodzkim ($1646/kv.m.) i Leninskim ($1805/kv.m.) rajonach.
Novyja kvatery ŭ Miensku prapanujucca pa kamercyjnych cenach ad 1300 da $2500 za kvadratny metar. Siaredniaja cana prapanovy dolevaha budaŭnictva kvateraŭ u Miensku vyrasła za 2-i kvartał 2008 hodu na 1,55% i składaje na siońnia $1963/kv.m.
Dla paraŭnańnia, u Kijevie siaredniaja cana na druhasnym rynku składaje ŭ siarednim $3844/kv. m., z pačatku hodu jana vyrasła na 16,3 %. Siaredniaja cana kvateraŭ na piarvičnym rynku Kijeva nižejšaja, čym na druhasnym i składaje $2922/kv. m. U Maskvie siaredniaja cana na druhasnym rynku vyrasła z pačatku hodu bolš čym na 23% i składaje ŭ siarednim $5857/kv. m.