Znosić damy ŭ Traktarnym pasiołku administracyja Partyzanskaha rajona abiacała pačać u lutym. Ale da rabot da hetaha času nie prystupili. Na pres-kanfierencyi ŭ Minharvykankamie infarmacyju pra daty pačatku znosu nijak nie prakamientavali, ale hałoŭny architektar Minska vykazaŭ Tut.by svajo staŭleńnie da pytańnia zachavańnia i nadańnia pasiołku statusa historyka-kulturnaj kaštoŭnaści.
Fota: Dźmitryj Bruško, TUT.BY
— Maja asabistaja pazicyja pa Asmałoŭcy i Traktarnym pasiołku (i jana padtrymlivajecca značnaj častkaj prafiesijnaj architekturnaj hramadskaści) u tym, što tema dosyć nadumanaja, — skazaŭ staršynia Kamiteta architektury i horadabudaŭnictva Minharvykankama Pavieł Łučynovič. — My havorym ab zachavańni nie vysokaj zabudovy, a baračnych damoŭ, jakija raskidanyja pa ŭsim byłym Savieckim sajuzie. Tak, heta mocnyja typavyja prajekty, ale ci źjaŭlajecca heta kaštoŭnaściu — dla mianie vialikaje pytańnie. Hetuju temu abmiarkoŭvali i na Radzie ŭ Minkulcie, i vyrašyli paźniej viarnucca da hetaha pytańnia jašče raz.
Nahadajem, pytańnie znosu kvartała dvuchpaviarchovych damoŭ, raźmieščanaha ŭ miežach vulic Kłumava, Ščarbakova i Čabatarova, niekalki hadoŭ abmiarkoŭvałasia haradskimi architektarami, prajekt mianiali abo adkładali na čas z-za adsutnaści finansavańnia. U vyniku rašeńnie było pryniataje i znosić damy pačnuć u bližejšy čas. Na miescy dvuchpaviarchovikaŭ pavinny źjavicca novyja žyłyja damy nie vyšej za siem pavierchaŭ. Haradskija aktyvisty vyrašyli pryciahnuć da hetaha pytańnia ŭvahu praź biaspłatnyja ekskursii pa pasiołku, jakija sabrali niekalki sotniaŭ minčukoŭ. A hałoŭny architektar UP «Minskhrada» Alaksandr Akienćjeŭ niadaŭna vykazaŭsia za zachavańnie «najlepšych dasiahnieńniaŭ savieckaj horadabudaŭničaj škoły» ŭ pasiołku.
